शिर्डी (प्रतिनिधी) शिर्डी व परिसरात दिवसेंदिवस कायदा व सुव्यवस्था बिघडत चालली असून अनेक गुन्हेगारी प्रवृत्तीचे लोक आजही असल्याचे अनेक घटना वरून दिसून येत आहे. अशीच एक खळबळ जनक घटना नुकतीच घडली असून एका तरुणाचा किरकोळ कारणावरून लोखंडी रॉडने मारहाण करून खून करण्यात आला आहे. यासंदर्भात पोलीस ठाण्यामध्ये गुन्हा दाखल करण्यात आला आहे. डिझेल चोरी प्रकरणातून हा खून झाला की काय ?अशी चर्चा सध्या खाजगी मध्ये बोलली जात असल्याचे सूत्रांकडून समजते.
या घटने संदर्भात पोलीस सूत्रांकडून मिळालेल्या अधिक माहिती अशी की, रितेश वसंत सदाफळ मूळ गाव गणेश नगर तालुका राहता यांनी दिली आहे की, माझा लहान भाऊ प्रतिक वसंत सदाफळ (वय 19 वर्ष) याचे 1) प्रशांत उर्फ बाबु जनार्दन जाधव रा. साईशरणम शिर्डी 2) अक्षय पगारे रा. साईशरणम शिर्डी, 3) चंदु तहकीक रा. सावळीविहीर ता. राहाता, 4) ओमकार शैलेश रोहम रा. राहाता 5) प्रविण वाघमारे रा. कालीकानगर शिर्डी
6) सोनु पवार रा. सावळीविहीर ता. राहाता यांनी आमच्यातील किरकोळ भांडणाच्या कारणावरून दि. 12/04/2025 रोजी रात्री 9/00 वाजेच्या सुमारास गणेशनगर येथील निर्मळ हॉस्पीटल समोरून अपहरण करून भाऊ प्रतिक यास चारचाकी सिल्वर रंगाची स्कोडा गाडीचे डिक्कीत टाकुन नेउन त्यास लोखंडी रॉडने मारहाण करून जिवे ठार मारून सिन्नर शिर्डी हायवे लगत मुसळगांव शिवारात वनीकरण येथे रोड लगत नालीच्या पायथ्यांशी टाकुन दिले.
या घटनेमुळे शिर्डी राहता परिसरात मोठी खळबळ उडाली आहे. कारण आरोपी हे शिर्डी राहता सावळीविहीर परिसरातील आहे. यासंदर्भात अधिक माहिती की,एमआयडीसी सिन्नर पोलीस ठाण्यात रितेश वसंत सदाफळ हल्ली राहणार वैजापूर मूळ पत्ता गणेश नगर तालुका राहता यांनी फिर्याद दिलेली आहे की,
माझे व आमचे राहता तालुक्यात राहणारे माझे परीचयाचे प्रशांत उर्फ बाबु जनार्दन जाधव, अक्षय पगारे, चंदु तहकीक, ओमकार शैलेष रोहम, प्रविण वाघमारे, सोनु पवार यांचे बरोबर 2 ते 3 महिन्यापुर्वी किरकोळ कारणावरून वाद झाले होते. तेव्हा पासुन ते माझे व माझे घराच्यावर दात खावुन होते. तसेच सदर इसम हे माझे बरोबर असलेल्या वादाच्या कारणावरून माझा लहान भाउऊ प्रतिक वसंत सदाफळ यास वेळोवेळी फोन करून माझे ठावठिकाण्याबाबत त्यास विचारपुस करत होते.
व माझे भावाने त्यास माझा ठावठिकाणा माहिती नसल्याचे सांगितल्यावर माझा भाऊ प्रतिक यास पाहुन घेण्याची धमकी देत होते. सदर त्रासाला कंटाळुन मागील एक महिन्यापुर्वी माझी आई व लहानभाउऊ प्रतिक सदाफळही हे वैजापुर जि. छत्रपती संभाजीनगर येथे राहावयास गेले होते.
पण दि. 12/04/2025 रोजी सकाळी साधारण 09.00 वा.च्या सुमारास माझा लहान भाऊ प्रतिक वसंत सदाफळ हा आमचे वैजापुर येथील घरी असतांना त्याचा मित्र शहीद शेख रा. श्रीरामपुर हा वाकडी ता. राहाता येथे जत्रा असल्याने सदर जत्रेला जाण्याकरीता घेवून गेला. त्यानंतर त्यास साधारण रात्री 09.00 वा. च्या सुमारास मी माझा भाउ प्रतिक यास त्याचा मो. क्र. 7666766140 हयावर कॉल करून त्याला कुठे आहे
असे विचारल्यावरून त्याने तो गणेशनगर, ता. राहता येथील निर्मळ हॉस्पिटलच्या समोर उभा आहे असे सांगितले. तेव्हा मी त्याला बराच वेळ झाला असल्याने घरी जाण्यास सांगितले. त्यानंतर 11.21 वा. माझे भावाच्या मोबाईलवरून मला माझे मोबाईल वर फोन आला व समोरुन राहता येथे राहणारा मागील काळात माझे सोबत वाद झालेल्यापैकी प्रशांत उर्फे बाबू जनार्दन जाधव हा बोलत होता. तेव्हा त्याने मला “तु समजुन घे. तुच मला फोन करशिल,
तु माझा फोन उचलत नाही ना तुला समजेल” त्यानंतर त्याने फोन कट केला. व त्यानंतर माझे भावाचा फोन स्वीच ऑफ येवू लागला.त्यांनतर दि. 13/04/2025 रोजी रात्री 12/15 वाजेच्या सुमारास प्रशांत उर्फ बाबू जनार्दन जाधव याने मला माझे भावाच्या 7666766140 हया मोबाईलवरून व्हीडीओ कॉल केला असता व माझे भावाला दाखवले तेव्हा माझे भावाच्या अंगावर कोणतेही कपडे नव्हते व तो जखमी अवस्थेत पडलेला दिसला.
त्यावेळी भाऊ प्रतिक याच्या बाजुला एक रॉड पडलेला दिसत होता व त्याठिकाणी अक्षय पगारे, चंदू तहकीक व प्रशांत उर्फ बाबु जाधव, ओमकार शैलेश रोहम, प्रविण वाघमारे, सोनु पवार असे सर्व उभे असल्याचे व्हिडीओ कॉल मध्ये दिसत होते .यावरून माझा भाउऊ प्रतिक यास वरील सर्व इसमांनी रॉडने मारहाण केल्याची माझी खात्री होत होती. त्यानंतर प्रशांत जाधव याने कॉल कट केला.
त्यानंतर सदर इसमांचा व माझा काही एक संपर्क झाला नाही. त्यानंतर मी व माझे मित्र अजय सोमनाथ मोगले, शेखर किरण आमोलीक असे मिळुन माझा बेपत्ता भाऊ प्रतिक व अक्षय पगारे, चंद्र तहकीक व प्रशांत उर्फ बाबु जाधव, ओमकार शैलेश रोहम, प्रविण वाघमारे, सोनु पवार यांच्या बाबत गणेशनगर येथील माझ्या मित्रांना फोन करून माहिती घेतली .परंतु त्यांनी काही एक माहिती नसल्याचे सांगितले.
त्यांनतर मी माझ्या भावाचा शोध घेत असतांना माझी आई कविता वसंत सदाफळ हिने वैजापुर पोलीस ठाणे येथे जावून माझा लहान भाउऊ प्रतिक वसंत सदाफळ हा बेपत्ता असल्या बाबतची मिसिंगची तक्रार नोंदविली होती.त्यानंतर दि. 13/04/2025 रोजी सकाळी अंदाजे 10.00 वाजेच्या सुमारास गणेशनगर येथील मित्र साई वाघ यास फोन करून कळविले की, “माझा भाउ प्रतिक हा दि. 12/04/2025 रोजी रात्री 9700 वाजेच्या सुमारास निर्मळ हॉस्पीटल गणेशनगर येथे बसलेला होता,
तु निर्मळ हॉस्पीटल येथे जावुन प्रतिक येथे गेला होता का बाबत विचारपुस कर असे सांगितले त्याप्रमाणे साई वाघ याने निर्मळ हॉस्पीटल येथे जावुन डॉक्टर विजय निर्मळ यांचेकडे भाऊ प्रतिक सदाफळ याचे बाबत विचारणा केली असता त्यांनी सांगितले की, एक सिल्वर कलरची स्कोडा गाडी आली व त्यात 5 ते 6 जण होते व सदर इसमांनी प्रतिक यास त्याच्या गाडीचे डिकीत टाकुन घेवून गेले आहे, बाबत माहिती दिली.
आज दिनांक 14/04/2025 रोजी आम्ही भाऊ प्रतिक याचा शोध घेत असताना अक्षय पगारे याने प्रशांत उर्फ बाबु जाधव याचे मोबाईलवरून मला व्हॉटसअप कॉल करून माझा बेपत्ता भाऊ प्रतिक हा भेटला किंवा कसे याबाबत विचारणा केली होती. तेव्हा मी अक्षय यास माझा भाउऊ प्रतिक हा भेटला नाही. आम्ही त्यांचा शोध घेत आहोत.
असे कळविले तेव्हा अक्षय याने मला प्रशांत यास वावी, पांगरी मुसळगांव या भागामध्ये रोडच्या कडेला तसेच सिन्नर येथील हॉस्पीटल मध्ये शोध घेण्यास सांगितले होते. तेव्हा मी व माझे मित्र असे भाऊ प्रतिक याचा शोध घेत असताना नाशिक ग्रामिण पोलीस टिळे दादा यांनी एक फोटो मला पाठवून सदरचा फोटो मधील इसमास ओळखायला सांगितले.
तेव्हा सदरचा फोटो मी पाहिला असता तो माझा लहान भाऊ प्रतिक वसंत सदाफळ यांचाच असल्याची माझी खात्री झाली व त्यांना सदर फोटो मधील इसम माझा भाउऊ प्रतिक सदाफळ असल्याचे टिळेदादांना सांगितले. तेव्हा त्यांनी मला “तुझा भाउऊ प्रतिक यांचे प्रेत मुसळगांव शिवारात वनीकरण जवळ ,रोड लगत पडलेले आहे.
तु लवकर ये ” असे सांगितल्याने मी लागलीच माझे मित्र अजय सोमनाथ मोगले, शेखर किरण आमोलीक यांना सोबत घेउन मुसळगांव शिवारात वनीकरण येथे जावुन पाहिले असता रोड लगत असलेल्या नालीमध्ये पायथ्याला पडलेले प्रेत हे माझा लहान भाऊ प्रतिक वसंत सदाफळ याचे असल्याचे पाहुन ओळखले .
तरी
माझा लहान भाउ प्रतिक वसंत सदाफळ (वय 19 वर्ष )याचे इसम नामे 1) प्रशांत उर्फ बाबु जनार्दन जाधव रा. साईशरणम शिर्डी 2) अक्षय पगारे रा. साईशरणम शिर्डी, 3) चंदु तहकीक रा. सावळीविहीर ता. राहाता, 4) ओमकार शैलेश रोहम रा. राहाता 5) प्रविण वाघमारे रा. कालीकानगर शिर्डी 6) सोनु पवार रा. सावळीविहीर ता. राहाता यांनी दि. 12/04/2025 रोजी रात्री 9/00 वाजेच्या सुमारास गणेशनगर येथील निर्मळ हॉस्पीटल समोरून अपहरण करून प्रतिक यास चारचाकी सिल्वर रंगाची स्कोडा
गाडीचे डिक्कीत टाकुन नेऊन त्यास लोखंडी रॉडने मारहाण करून जिवे ठार मारून सिन्नर शिर्डी हायवे लगत मुसळगांव शिवारात वनीकरण येथे रोड लगत नालीच्या पायथ्यांशी टाकुन दिले म्हणुन माझी इसम नामे ।) प्रशांत उर्फ बाबु जनार्दन जाधव रा.साईशरणम शिर्डी 2) अक्षय पगारे रा. साईशरणम शिर्डी 3) चंदु तहकीक रा. सावळीविहीर ता. राहाता, 4) ओमकार शैलेश रोहम रा. राहाता 5) प्रविण वाघमारे रा. कालीकानगर शिर्डी 6) सोनु पवार रा. सावळीविहीर ता. राहाता या सर्वाविरुद्ध
कायदेशिर तक्रार आहे. या तक्रारीवरून सिन्नर पोलीस ठाण्यामध्ये गुन्हा दाखल करण्यात आला आहे .अधिक तपास पोलीस करत आहेत. या प्रकरणामुळे शिर्डी व राहता परिसरात मोठी खळबळ उडाली आहे. कारण गुन्हेगारी कमी होण्याचे नाव घ्यायला तयार नाही . गुन्हेगारी प्रवृत्ती वाढत चालली आहे. शिर्डीत दुहेरी हत्याकांड, गावठी कट्टे सापडणे, हाणामाऱ्या, शिवीगाळ, अपहरण, खून, असे प्रकार वाढत आहेत .अवैध धंदे अद्यापही सुरू आहेत. अवैध मटका जुगार गांजा विक्री दारू विक्री सुरू आहे. शिर्डी परिसरात त्वरित गुप्त पोलीस यंत्रणा कार्यान्वित करावी अशी मागणी नागरिकांकडून होत आहे.
