शिर्डी प्रतिनिधी/ नामांकित टी.व्ही.एस कंपनीचे वतीने श्री साईबाबा संस्थानला अपाचे ३१० सी सी अंदाजे ३ लाख २५ हजार किमतीचे दुचाकी वाहन देणगी स्वरुपात प्राप्त झाले. देणगीस्वरूपात प्राप्त झाालेल्या वाहनाची श्री साईबाबा संस्थानचे प्र. मुख्य कार्यकारी अधिकारी तुकाराम हुलवळे यांच्या हस्ते विधीवत पुजा करण्यात आली. यावेळी प्रशासकिय अधिकारी भिकन दाभाडे, जनसंपर्क अधिकारी तुषार शेळके व वाहन विभाग प्रमुख अतुल वाघ आदी उपस्थित होते.
टी.व्ही.एस कंपनीचे वतीने आज अखेर श्री साईबाबा संस्थानला विविध प्रकारच्या माॅडेल जेव्हा नवीन बाजारात आणले जाते त्या अगोदर कंपनीने अशा विविध प्रकारच्या ९ दुचाकी व १ तीनचाकी वाहन देणगी स्वरुपात साईबाबा संस्थानला दान करुन त्यानंतर साईच्या आशिर्वादाच्या जोरावर बाजारपेठ नावलौकिक व विश्वास मिळाला आहे अशी कंपनी ची श्रध्दा आहे
