24 ऑगस्ट 2024
साई संस्थांनचा कारभार पारदर्शक असला तरी काही चालबाज कर्मचारी भक्तांच्या भोळेपणाचा गैरफायदा घेत देश विदेशातील सहली, आपल्या स्वतःच्या खात्यावर मोठी रक्कम, तर कधी कॅश पैसे, तर कधी महागडे गिफ्ट घेतात अशी दबक्या आवाजात शिर्डीत चर्चा सुरु असताना सूत्रांनी दिलेल्या माहितीनुसार उज्जैन येथील भाविकाने एक अधिकारी व एक कर्मचारी यांनी उपचाराच्या नावाखाली चाळीस लाख रुपयाची मागणी केली होती, सदर भक्तानेही नीसंकोचपने बाबांच्या श्रद्धेपोटी चाळीच लाख रुपये दिले, मात्र सदर दोनही कर्मचाऱ्यांनी खोटं बोलून हे पैसे उकळले आहे
हे भाविकाच्या लक्षात आले व. आपली यात फसवणूक झल्याचे लक्षात आल्यावर त्या भाविकाने संस्थांनचे मुख्य कार्यकारी अधिकारी यांना सदर प्रकाराची माहिती दिली आहे. संस्थानमधील अनेक कर्मचारी हे देश विदेशात भाविकांच्या पैशाने सहलीला जातात, महागड्या पंचतारांकित हॉटेलमध्ये मौजमजा करतात असे फोटो व व्हिडीओ काही दिवसांपूर्वीच सोशल मीडियावर व्हायरल झाले होते. तर अनेक कर्मचारी ड्युटीवर असताना त्यांच्या मार्जितील व्हीआयपी यांना थेट मंदिरात नेतात तर कधी आरतीच्यावेळी पुढे उभे करण्यासाठी लगटही करतात.
यामध्ये मुख्य करून जनसंपर्क कार्यालय व मंदिर प्रशासन व सुरक्षा रक्षक हेही उघड्या डोळ्याने बघून गप्प बसतात यावरून यांची मंदिरात किती चलती आहे याचा अनुभव येतो.विशेष बाब म्हणजे अनेकजन मंदिरात फोटो शेशनही करतात, यापूर्वी असं घडत नव्हतं तर विदेशात जाताना संस्थान प्रशासनाची परवानगी घ्यावी लागत असे मात्र आता सर्व नियम व कायदे धाब्यावर बसवून अनेकांनी दर्शनाचा बाजार मांडला आहे.
कर्मचाऱ्यांना कोणताही धाक नाही तर शिस्त बिलकुल नाही. मध्यंतरी मंदिर परिसरातील सुरक्षा रक्षक व जनसंपर्क कार्यालयातील कर्मचाऱ्यांना मोबाईल बंदी केली होती मात्र आता त्यांचेही खासगी संबंध वाढताना दिसत असून प्रशासनाच्या दुर्लक्षाचा अनेकजन गैरफायदा घेत असून यातून मोहमाया जमा करत आहेत.
साई संस्थान प्रशासन आता या चाळीस लाख रुपयांच्या फसवणूकीचे प्रकरण किती गंभीर घेते आणि दोषींवर काय कारवाई करते हे महत्वाचं असलं तरी मागील बोगस देणगी पावती प्रकरण व बोगस दर्शन पास प्रकरण ताजे असताना हा फसवणूकीचा प्रकार सामोरं आल्याने शिर्डीत एकच खळबळ उडाली आहे.
