भारत हा कृषिप्रधान देश असून बळीराजा हे आपल्या कृषीसंस्कृतीचे व सर्वसामान्य जनतेचे प्रतीक आहे त्यामुळे आम्ही बैलगाडीने जाऊन व वयोवृद्ध बळीराजाला सोबत घेऊन शिर्डी विधानसभेसाठी नामनिर्देशन दाखल केले आहे.
याच बळीराजाच्या आणि सर्वसामान्य जनतेच्या साथीने आम्ही विखे परिवाराची एकाधिकारशाही आणि दहशत मोडून काढू असा विश्वास डॉ. राजेंद्र पिपाडा व राहत्याच्या प्रथम लोकनियुक्त नगराध्यक्षा ममता पिपाडा यांनी व्यक्त केला.
डॉ राजेंद्र पिपाडा व ममता पिपाडा या दोघांनीही शिर्डी विधानसभेसाठी अपक्ष निवडणूक अर्ज दाखल केल्याने शिर्डीच्या राजकारणात मोठा ट्विस्ट आलेला आहे. यापूर्वीही 2009 मध्ये डॉ. राजेंद्र पिपाडा यांनी राधाकृष्ण विखे यांना जोरदार लढत दिली होती.
यावेळी पिपाडा पुन्हा मैदानात उतरल्याने शिर्डीतील मतदारामध्ये उत्साह दिसून येत आहे. विखेंना टक्कर फक्त पिपाडाच देऊ शकतात ही भावना सामान्य नागरिक व्यक्त करत आहेत. तहसील कार्यालयात फॉर्म भरतांना दिलीप वाघमारे शिवाजी आनप आनाप पोपट वर्पे निखिल पिपाडा मयूर कुंभकर्ण दिलीप वाघमारे मदनलाल पिपाडा व असंख्य कार्यकर्ते उपस्तिथ होते
