अहिल्यानगर : लाचलुचपत प्रतिबंधक विभागाने (ACB) मोठी कारवाई करत जिल्हा परिषद सार्वजनिक बांधकाम उपविभागातील कनिष्ठ अभियंता तथा अतिरिक्त पदभार उपअभियंता सचिन सुरेश दिनकर (वय ४१) यांच्याविरुद्ध भ्रष्टाचार प्रतिबंधक कायद्यान्वये गुन्हा दाखल केला आहे.
ही कारवाई कोतवाली पोलीस ठाणे, अहिल्यानगर (गु.क्र. २१२/२०२६) येथे नोंद करण्यात आली असून भ्रष्टाचार प्रतिबंध अधिनियम १९८८ च्या कलम ७ अंतर्गत २४ मार्च २०२६ रोजी गुन्हा दाखल करण्यात आला आहे.
🧾 काय आहे प्रकरण?
तक्रारदार हे शासकीय कंत्राटदार असून मौजे देहरे येथील ग्रामपंचायत हद्दीत स्मशानभूमी सुशोभीकरणाचे काम त्यांनी पूर्ण केले होते. या कामाचे बिल मंजूर करून पुढे पाठविण्याची जबाबदारी आरोपी दिनकर यांच्याकडे होती.
मात्र, बिल मंजुरीसाठी आरोपीने एकूण बिलाच्या २ टक्के प्रमाणे १६,५०० रुपयांची लाच मागितल्याचे समोर आले. यापैकी १०,००० रुपये आधीच स्वीकारल्याचेही त्यांनी मान्य केले असून उर्वरित ६,५०० रुपये देण्याची मागणी केली होती.
🔍 पडताळणी व सापळा
दि. २३ मार्च २०२६ रोजी ACB ने पडताळणी केली असता आरोपीने फोन व प्रत्यक्ष भेटीत लाचेची मागणी कायम ठेवली.
त्याच दिवशी सापळा रचण्यात आला. तक्रारदाराने पंचांसमक्ष लाच देण्याचा प्रयत्न केला असता आरोपीला संशय आला.
👉 संशय येताच आरोपी दिनकर यांनी दुचाकीवरून पळून जाण्याचा प्रयत्न केला.
👉 मात्र ACB पथकाने तत्परतेने कारवाई करत त्यांना ताब्यात घेतले.
लाच रक्कम स्वीकारली गेली नसली तरी मागणी व स्वीकारण्याची तयारी स्पष्ट झाल्याने गुन्हा दाखल करण्यात आला आहे.
👮♂️ कारवाईतील अधिकारी
पर्यवेक्षण : पोलीस उपअधीक्षक अजित त्रिपुटे
पथक : संतोष शिंदे, रविंद्र निमसे, बाबासाहेब कराड, हारून शेख आदी
तपास अधिकारी : श्रीमती छाया देवरे (ACB, अहिल्यानगर)
मार्गदर्शन :
पोलीस अधीक्षक भारत तांगडे (ACB, नाशिक परिक्षेत्र)
अपर पोलीस अधीक्षक माधव रेड्डी, सुनील दोरगे
📢 नागरिकांना आवाहन
लाचलुचपत प्रतिबंधक विभागाने नागरिकांना आवाहन केले आहे की,
👉 कोणत्याही शासकीय कामासाठी लाच मागितल्यास त्वरित तक्रार करा
👉 भ्रष्टाचाराविरोधात पुढे या
📍 संपर्क : ACB कार्यालय, सावेडी, अहिल्यानगर
📞 दूरध्वनी : ०२४१-२४२३६७७
📱 व्हॉट्सअॅप : ९९३०९९७७०० / ९५४५०३१०६४
🌐 संकेतस्थळ : acb.maharashtra.gov.in
👉 “लाच देऊ नका, लाच घेऊ नका – भ्रष्टाचारमुक्त महाराष्ट्र घडवूया!”
