शिर्डी (प्रतिनिधी) शिर्डी मध्ये एका पोलिसाने इमारतीच्या तिसऱ्या मजल्यावरून उडी घेऊन आत्महत्या करण्याचा प्रयत्न केला. मात्र सुदैवाने हा पोलीस कर्मचारी वाचला असून तो गंभीर जखमी झाला आहे. त्यास उपचारासाठी साईनाथ सुपर हॉस्पिटलमध्ये दाखल करण्यात आले आहे.
ही घटना शुक्रवार 7 फेब्रुवारी 2025 रोजी दुपारी घडली आहे.
या घटनेमुळे पोलीस दलात खळबळ उडाली आहे.
यासंदर्भात अधिक माहिती अशी की,शिर्डी पोलीस स्टेशनंचे तत्कालीन पोलीस नाईक गणेश वाळके यांनी आपल्या राहत्या घरी भन्साळी स्केयर, शिर्डी येथील इमारतीच्या तिसऱ्या माजल्यावरून उडी मारून आत्महत्या करण्याचा प्रयत्न केला.
त्यात तो गंभीर जखमी झाल्याने त्यास श्री साईनाथ सुपर स्पेशलीस्ट हॉस्पिटल येथे दाखल करण्यात आले आले. त्यांच्यावर हॉस्पिटलमध्ये शस्त्रक्रिया झाली असून ते सध्या स्टेबल असल्याचे समजते. तो सध्या संगमनेर शहर पोलीस स्टेशनला कार्यरत आहे. त्यांनी आत्महत्या करण्याचा प्रयत्न का केला हे मात्र समजू शकले नाही.
पोलीस नाईक वाळके हा अत्यंत मनमिळावू स्वभावाचा आहे. या घटनेचे वृत्त पोलीस दलामध्ये पसरतास मोठी हळहळ व्यक्त होत आहे.
