शिर्डी (वार्ताहर) :
भारतीय जनता पक्षाचे खासदार डॉ. सुजय विखे यांची भारतीय जनता पक्षाच्या महाराष्ट्र प्रदेश उपाध्यक्षपदी नियुक्ती झाल्याबद्दल तसेच त्यांच्यावर केरळ विधानसभा निवडणुकीची महत्त्वपूर्ण जबाबदारी सोपविण्यात आल्याबद्दल शिर्डी येथे त्यांचा सत्कार करण्यात आला.शिर्डीच्या नगराध्यक्ष जयश्रीताई व विष्णूपंत थोरात यांच्या हस्ते प्रत्यक्ष भेट घेऊन पुष्पगुच्छ देत डॉ. सुजय विखे पाटील यांचे अभिनंदन केले.
त्यांच्या या नियुक्तीमुळे अहमदनगर जिल्ह्यासह राज्याच्या राजकारणात नवी ऊर्जा मिळेल, असा विश्वास यावेळी व्यक्त करण्यात आला.डॉ. सुजय विखे पाटील यांनी खासदार म्हणून संसदेत तसेच विविध विकासकामांच्या माध्यमातून जिल्ह्याच्या प्रश्नांवर प्रभावीपणे आवाज उठवला आहे. त्यांची कार्यपद्धती, संघटन कौशल्य आणि नेतृत्वगुण लक्षात घेऊन भारतीय जनता पक्षाने त्यांच्यावर महाराष्ट्र प्रदेश उपाध्यक्षपदाची जबाबदारी सोपवली आहे.
त्याचबरोबर आगामी केरळ विधानसभा निवडणुकीत पक्ष संघटन मजबूत करण्यासाठी त्यांना महत्त्वपूर्ण जबाबदारी देण्यात आली आहे.
या पार्श्वभूमीवर शिर्डी येथे झालेल्या भेटीत नगराध्यक्ष जयश्रीताई थोरात यांनी डॉ. विखे पाटील यांचा सत्कार करून त्यांच्या पुढील राजकीय व सामाजिक वाटचालीस शुभेच्छा दिल्या. राज्य आणि देशाच्या राजकारणात त्यांनी प्रभावी कामगिरी करत पक्ष संघटना अधिक मजबूत करावी, अशी अपेक्षाही यावेळी व्यक्त करण्यात आली.
या प्रसंगी विष्णू थोरात हे देखील उपस्थित होते. त्यांनीही डॉ. सुजय विखे पाटील यांचे अभिनंदन करून त्यांच्या भावी कार्यासाठी शुभेच्छा दिल्या.
यावेळी उपस्थितांनी डॉ. सुजय विखे पाटील यांना मिळालेली ही जबाबदारी अहमदनगर जिल्ह्यासाठी अभिमानाची बाब असल्याचे सांगत त्यांच्या नेतृत्वाखाली पक्ष संघटना अधिक सक्षम होईल, असा विश्वास व्यक्त केला.
