अपघातात शिर्डीच्या पंधरा वर्षे वयाच्या साईश विकास शिंदे या तरुणाचा दुर्दैवी मृत्यू!
शिर्डी (प्रतिनिधी) शिर्डी येथे आज शनिवारी सकाळी अपघात होऊन साईश विकास शिंदे या पंधरा वर्षे वय असणाऱ्या तरुणाचा मृत्यू झाला असून या दुर्दैवी दुःखद घटनेमुळे शिर्डी सह परिसरात मोठी हळहळ व्यक्त होत आहे.
शिर्डी येथील श्री साईबाबा हॉस्पिटलचे लॅब टेक्निशियन विकास शिंदे यांचे एकुलते एक चिरंजीव साईश विकास शिंदे (वय 15 वर्ष) याचा हेलीपॅड रोडला विजय कोते यांच्या वस्तीजवळ रस्त्यामधील डिव्हायडरला धडकून अपघात होऊन त्यात तो जबर जखमी होऊन मृत्युमुखी पडला. ही घटना शनिवारी सकाळी पावणे अकरा वाजेच्या दरम्यान घडली.
मयत साईश शिंदे हा श्री साईबाबा इंग्लिश मीडियम स्कूल मध्ये शिकत होता. त्याच्या या दुर्दैवी मृत्यूमुळे शिर्डी व परिसरात मोठी हळहळ व्यक्त होत आहे. मयत साईश विकास शिंदे याच्यावर शनिवारी दुपारी तीन वाजेच्या दरम्यान शिंदे वस्ती शिर्डी येथे मोठ्या शोकाकुल अंतकरणात अंत्यसंस्कार करण्यात आले. त्याच्या या निधनाबद्दल अनेकांनी भावपूर्ण श्रद्धांजली अर्पण केली आहे.
