अहमदनगर दि.२०- जिल्हा होमगार्डमधील विविध पथकांच्या रिक्त ठिकाणी ५२२ नवीन होमगार्ड सदस्यांची पथकनिहाय तात्पुरती अंतिम यादी https://maharashtracdhg.gov.in/mahahg/enrollmentadd.php या संकेतस्थळावर तसेच जिल्हा होमगार्ड कार्यालयातील सूचना फलकावर प्रसिद्ध करण्यात आली आहे.
सदस्यांना काही आक्षेप असल्यास त्यांनी dchgahmadnagar@yahoo.com या ई-मेल अथवा जिल्हा होमगार्ड कार्यालय, सिद्धीबागेजवळ, अहमदनगर येथे २१ सप्टेंबर २०२४ पर्यंत सादर करण्याचे आवाहन होमगार्डचे जिल्हा समादेशक तथा अपर पोलीस अधीक्षक अहमदनगर यांनी केले आहे.
वसतीगृह अधीक्षकाच्या नियुक्तीसाठी अर्ज करण्याचे आवाहन.
अहमदनगर दि.२०-सैनिकी मुलांचे वसतीगृह, कोपरगाव व श्रीगोंदा येथे तात्पुरत्या स्वरुपात वसतीगृह अधीक्षकाची नियुक्ती करण्यात येणार आहे. पात्रताधारक माजी सैनिकांनी २९ सप्टेंबर २०२४ पर्यंत अर्ज करण्याचे आवाहन जिल्हा सैनिक कल्याण अधिकारी अहमदनगर यांनी केले आहे.
उमेदवाराकडे मराठी, इंग्रजी टंकलेखन व लेखा शाखेचे ज्ञान असणे आवश्यक आहे. माजी सैनिकांनी अर्जासोबत सैन्य सेवेतील डिस्चार्ज बुक, ओळखपत्राची छायांकित प्रत जोडावी. विहित मुदतीत अर्ज प्राप्त झालेल्या उमेदवारांना मुलाखतीस बोलावण्यात येणार असल्याचेही कळविण्यात आले आहे.
