शिर्डी( प्रतिनिधी ) शिर्डी येथील अहमदनगर एज्युकेशन सोसायटीच्या श्री साईनाथ प्राथमिक ,माध्यमिक व उच्च माध्यमिक विद्यालय शिर्डी चा 68 वा वार्षिक पारितोषिक वितरण समारंभ गुरुवार दिनांक 23 जानेवारी 2025 रोजी सकाळी उत्साहात संपन्न झाला असून या विद्यालयाच्या स्नेहसंमेलन व वार्षिक पारितोषिक वितरण समारंभ निमित्ताने 24 व 25 जानेवारी दरम्यानही विविध कार्यक्रम होत आहेत.
गुरुवार दिनांक 23 जानेवारी 2024 रोजी सकाळी उपस्थित मान्यवरांच्या हस्ते सरस्वती पूजन, त्यानंतर ईशस्तवन व स्वागत गीत झाले. या कार्यक्रमाला राकेश कलासागर (सीनियर एस पी अमरावती) तसेच शिर्डीचे अप्पर जिल्हाधिकारी बाळासाहेब कोळेकर , यांच्या उपस्थितीत या कार्यक्रमाला सुरुवात झाली.
यावेळी शाळा समितीचे प्रमुख कार्यवाह व चेअरमन श्रीमती छाया फिरोदिया, सहकार्यवाह गौरव फिरोदिया, नियमक मंडळाचे उपाध्यक्ष अशोक मुथा, शाळा समितीचे को चेअरमन मनोज लोढा, खजिनदार प्रकाश गांधी आदी सह साईनाथ माध्यमिक व उच्च माध्यमिक विद्यालयाचे प्राचार्य डुबल अभिमन्यू, मुख्याध्यापिका सौ मंगल आगलावे, शंकर बेलदार ,शुभांगी देशपांडे ,सिद्धार्थ कोबारणे ,उषा वहाडणे,
आदीसह विद्यार्थी प्रतिनिधी शिक्षक विद्यार्थी पालक उपस्थित होते. यावेळी या विद्यालय ,महाविद्यालयातील विविध स्पर्धेत व शैक्षणिक गुणवत्तेत यशस्वी झालेल्या विद्यार्थ्यांना पारितोषके मान्यवरांच्या हस्ते देऊन सन्मानित करण्यात आले. यावेळी मान्यवरांनी आपले मनोगत व्यक्त करून विद्यार्थ्यांचा उत्साह वाढवला.
त्याचप्रमाणे 24 जानेवारी 2025 शुक्रवार रोजी सकाळी साडेआठ वाजता येथे स्नेहसंमेलन निमित्त वऱ्हाड निघालं लंडनला हा एकपात्री प्रयोग होणार आहे. त्याचप्रमाणे नंतर शारीरिक शिक्षण प्रात्यक्षिके होणार असून त्यामध्ये प्राथमिक व माध्यमिक विद्यालयातील विद्यार्थी सहभागी होणार आहेत. या कार्यक्रमाला प्रमुख अतिथी म्हणून शिर्डीचे प्रांताधिकारी माणिक आहेर तसेच शिर्डीचे पोलीस उपविभागीय अधिकारी शिरीष
वमने हे उपस्थित राहणार आहेत.
तसेच 24 जानेवारी 2025 रोजी दुपारी दोन वाजता माध्यमिक विद्यालयातील विद्यार्थ्यांचा सांस्कृतिक कार्यक्रम होणार आहे. या कार्यक्रमासाठी प्रमुख पाहुणे म्हणून शिर्डी पोलीस स्टेशनचे पोलीस निरीक्षक रामकृष्ण कुंभार व राहत्याचे तहसीलदार अमोल मोरे उपस्थित राहणार आहेत.
त्याचप्रमाणे शनिवार दिनांक 25 जानेवारी 2025 रोजी दुपारी दोन वाजता प्राथमिक विद्यालयातील विद्यार्थ्यांचा सांस्कृतिक कार्यक्रम सादर होणार आहे .या कार्यक्रमाला प्रमुख अतिथी म्हणून शिर्डीचे वाहतूक शाखेचे पोलीस निरीक्षक प्रदीप देशमुख व साई संस्थान मंदिर विभागाचे पोलीस निरीक्षक सतीश घोटेकर हे उपस्थित राहणार आहेत. तरी या कार्यक्रमाचा विद्यार्थी व पालकांनी लाभ घ्यावा. कार्यक्रमाला येताना निमंत्रण पत्रिका पालकांनाही तसेच विद्यार्थ्यांनी ओळखपत्र सोबत ठेवावे .असेही या प्रसिद्धी पत्रकाद्वारे आवाहन करण्यात आले आहे.
