शिर्डी प्रतिनिधी/ शिर्डी येथील साईबाबा सुपर व साईनाथ हॉस्पिटल मध्ये आठवड्यात एक दिवस कॅन्सर रोग तज्ञ डॉक्टर उपलब्ध असले तरी कॅन्सर आजाराची तीव्रता ज्या प्रमाणात आहे त्यासाठी केमोथेरपी करायची असेल तर यासाठी दोन्ही हॉस्पिटलचा समावेश महात्मा फुले जीवनदायी आरोग्य योजनेअंतर्गत नसल्याने या मोफत आरोग्य सेवेचा लाभ रुग्णांना होत नसून त्यासाठी लागणारे तज्ञ डॉक्टर व बेड उपलब्ध नसल्याने रुग्णांना मोठ्या प्रमाणावर त्रास होत असल्याने ही सेवा त्वरित सुरू करण्यासाठी साईबाबा संस्थानच्या त्रिस्तरीय समितीने तात्काळ पुढाकार घेऊन हा प्रश्न जलदगतीने त्वरित मार्गी लावण्यासाठी प्रयत्न करावा अशी मागणी रुग्णाच्या नातेवाईकांन मधुन होत आहे
शासनाने उदात्त हेतु ठेवून विविध वैद्यकीय सुविधा रुग्णांसाठी शासकीय योजनेत बसवून मोफत केलेले आहेत असे असताना साईबाबा हाॅस्पिटल मध्ये का केमोथेरपी सुविधा नाही हा मोठा प्रश्न आहे साई शताब्दी काळात दीडशे कोटी रुपये खर्चाच्या १०० बेड हॉस्पिटल, मनुष्यबळ व तज्ञ डॉक्टर यांच्या संदर्भात मागणी प्रस्ताव साईबाबा संस्थान पाठवलेला होता अशी चर्चा असली तरी जवळपास अनेक वर्ष उलटुन देखील काहीच हालचाल नसल्याने याचा फटका महाराष्ट्रातील ग्रामीण व शहरी व अतिदुर्गम भागातून शिर्डी येथील दवाखान्यात साईबाबावर विश्वास ठेवून वैद्यकीय सेवा घेण्यासाठी येणाऱ्या रुग्णांना बसत असून त्यामुळे आर्थिक खर्चाबरोबरच मानसिक त्रास देखील सहन करावा लागत आहे
याबाबत साईबाबा संस्थानचे मुख्य कार्यकारी अधिकारी गोरक्ष गाडीलकर यांना विचारले असता याबाबत काय अडचणी आहेत याची माहिती घेतो असे सांगितले तसेच साईनाथ सुपर हॉस्पिटलचे वरिष्ठ अधिकारी डॉक्टर प्रीतम वडगावे यांना विचारले असता केमोथेरपी साठी हॉस्पिटलचा शासकीय योजनेत समावेश नसून त्यासाठी शताब्दी काळात प्रस्ताव पाठवलेला आहे
असे सांगत यासाठी तज्ञ डॉक्टर व मनुष्यबळ व १००बेडची गरज असून त्यासाठी साईबाबा संस्थानने १५० कोटी रुपये खर्चाचा प्रस्ताव देखील काही वर्षांपूर्वी पाठवलेला आहे असे सांगितले असे असले तरी साईबाबा संस्थाने या हॉस्पिटलमध्ये केमोथेरपी सुविधा मोफत उपलब्ध करून देण्याची गरज असून त्यासंदर्भात तात्काळ कारवाई करण्याची मोठी गरज असल्याची भावना, रुग्णांमधून व्यक्त होत आहे
