भूपेंद्र सावळे या आरोपीवर वाढत चाललेल्या आर्थिक गैरव्यवहारांच्या गंभीर तक्रारींच्या पार्श्वभूमीवर भाजपाचे ज्येष्ठ नेते डॉ. राजेंद्र पिपाडा यांनी जिल्हा पोलिस अधीक्षक सोमनाथजी घार्गे यांना महत्त्वाचे निवेदन सादर केले. या निवेदनात सावळेने आर्थिक व्यवहारांमध्ये केलेल्या अनियमितता, लोकांना दिलेली खोटी आश्वासने आणि तारखांचा गैरवापर याबाबत सविस्तर माहिती देण्यात आली आहे.
📌 फिर्यादी दाखल करण्यास झालेला विलंब — सावळेचीच योजना?
डॉ. पिपाडा यांनी निवेदनात भर दिला की,
जानेवारी महिन्यातच अनेक लोकांनी तक्रारी दाखल करायला हव्या होत्या.
परंतु आरोपी सावळेने लोकांना जाणूनबुजून जुन महिन्याच्या खोट्या तारखा देऊन दिशाभूल केली.
त्यांनी नेमकेपणाने नमूद केले की —
“भूपेंद्र सावळे पैसे देणार होता असे लोकांना वाटत राहावे, फक्त गुन्हे नोंदवले जाणे टळावे म्हणून त्याने वेळकाढूपणा आणि खोट्या तारखांचा खेळ मांडला.”
पीडितांच्या तक्रारींनुसार, सावळे प्रत्येकाला वेगवेगळ्या ‘डेट’ देत होता आणि “आठवड्यात देतो”, “दोन दिवसात पैसे होतात” अशी फोल आश्वासने देत राहिला. या भ्रमात लोकांनी वेळ घालवला, परंतु प्रत्यक्षात देण्यामागे त्याचा कोणताही हेतू नव्हता.
📌 पोलिसांचा वाढीव तपास — मालमत्ता विक्री आणि खात्यातील व्यवहारांची चौकशी
निवेदनानंतर जिल्हा पोलिस अधीक्षकांनी गुन्हे शाखेला या प्रकरणाचा काटेकोर तपास करण्याचे आदेश दिल्याची माहिती मिळत आहे.
सध्या पोलिस खालील मुद्द्यांवर विशेष लक्ष ठेवत आहेत:
आरोपी सावळे यांच्या मालमत्तांची यादी तयार केली जात आहे
त्याच्या मालमत्ता विक्री प्रक्रियेवर कायदेशीर नियंत्रण
बँक खात्यातील सर्व व्यवहारांची रोखठोक तपासणी
पैसे कोणत्या कोणत्या खात्यांना पाठवले गेले याचा मागोवा
व्यवहारांमागील इतर व्यक्ती किंवा नेटवर्कची चौकशी
डॉ. पिपाडा यांनी यावर भर दिला की —
“ज्यांनी फिर्यादी दिल्या आहेत त्यांचाच कायदेशीर दावा टिकणार आहे. मालमत्ता विक्रीतून मिळणाऱ्या रकमेतून प्रथम हक्क हे फिर्यादीदारांचेच आहे.”
📌 डॉ. पिपाडा यांचे जनतेला थेट आवाहन
निवेदनात त्यांनी अत्यंत स्पष्ट शब्दांत जनतेला सावध केले आहे:
“ज्यांनी अद्याप तक्रार दिली नाही, त्यांनी विलंब न करता पोलिसांकडे फिर्यादी द्यावी. कारण ज्यांनी फिर्यादी दिली नाही, त्यांचा परताव्याचा हक्क कायदेशीररीत्या सिद्ध करणे कठीण होईल.”
डॉ. पिपाडा यांनी आरोप केला की, सावळे यांनी केवळ गुन्हे नोंदवले जाऊ नयेत म्हणून तारखांचे इंजेक्शन देत पीडितांना भरकटवले. त्यांनी जिल्हा पोलिस अधीक्षकांकडे मागणी केली आहे की:
पीडितांची संपूर्ण यादी तयार करावी
प्रत्येक पीडिताचे नुकसान निश्चित करावे
सावळेचा आर्थिक स्त्रोत, जाळे आणि इतरांचा यात सहभाग असल्यास कठोर कारवाई करावी
📌 वाढती पीडित संख्या — तपासाला लागणार वेग
या प्रकरणातील पीडितांची संख्या दिवसेंदिवस वाढत आहे. अनेकांनी शेवटच्या क्षणापर्यंत पैसे मिळतील या आशेवर फिर्यादी दाखल केल्या नाहीत. परंतु आता परिस्थिती बदलली असून अधिकाधिक लोक पोलिसांकडे तक्रारी नोंदवत आहेत. सावळे प्रकरणातील फसवणुकीचे प्रमाणही मोठ्या रकमेतील असल्याचे संकेत मिळत आहेत.
तपासाला गती देण्यासाठी आणि लोकांना न्याय मिळवून देण्यासाठी जिल्हा पोलिसांकडून आवश्यक तो उच्चस्तरीय तपास सुरु आहे.
