शिर्डी( प्रतिनिधी) कारण नसताना शिवीगाळ करत लाथ्या बुक्क्यांनी मारहाण करून तसेच कमराच्या बेल्टने पायहातासह पाठीवर मारहाण करून जखमी करत जीवे मारण्याची धमकी दिल्याची फिर्याद सचिन विश्वनाथ काळे राहणार शिर्डी यांनी सुनील कुराडे शिर्डी याच्या विरोधात शिर्डी पोलीस ठाण्यात दाखल केली असून शिर्डी पोलिसांनी फिर्याद दाखल करून घेतली आहे.
या संदर्भात सूत्रांकडून मिळालेली अधिक माहिती अशी की ,सचिन विश्वनाथ काळे राहणार शिर्डी यांनी शिर्डी पोलीस ठाण्यात फिर्याद दिली असून या फिर्यादीत म्हटले आहे की,
दिनांक 24/02/2025 रोजी सायंकाळी 05.00 वा. चे सुमारास मी निमगाव ता राहाता शिवारात तेथे सुनिल कु-हाडे राहणार शिर्डी ता राहाता हा होता.
तेव्हा त्याने काही एक कारण नसताना मला शिवीगाळ करुन लाथाबुक्याने मारहाण करुन त्याचे कमराचे पॅन्टीचा कातडी बेल्ट काढुन मला माझे पाठीवर, हातावर, पायावर मारहाण करुन मला जखमी केले. तसेच तु मला परत या पंपावर दिसला तर तुला मी जिवंत मारुन टाकीन अशी धमकी दिली.
अशा आशयाची फिर्याद सचिन विश्वनाथ काळे संभाजीनगर शिर्डी यांनी शिर्डी पोलीस ठाण्यात दिल्यानंतर सुनिल कु-हाडे शिर्डी याचेविरुद्ध फिर्याद दाखल करण्यात आली आहे. शिर्डी पोलीस यासंदर्भात अधिक तपास करत आहेत.
