शिर्डी — साईबाबांच्या पवित्र भूमीत, शांततेचा आणि समतेचा संदेश देणाऱ्या शिर्डीत आज नगराध्यक्षा पदाच्या उमेदवार जयश्रीताई थोरात यांच्या प्रचाराची जंगी, उत्साहवर्धक आणि ऐतिहासिक सुरुवात झाली. शेकडो कार्यकर्ते, महिलावर्ग, ज्येष्ठ नागरिक आणि तरुणाई यांच्या उपस्थितीत प्रचाराचे नारळ फोडून जयश्रीताईंच्या विजय मुहूर्ताची नांदी झाली. संपूर्ण शहरात वातावरण एकच — “जयश्री ताई — विश्वासाची निवड!”
मनमिळाऊ स्वभाव — सर्वांना आपलेसे करणारी नेतृत्वशैली
जयश्रीताईंची खासियत म्हणजे त्यांचा साधेपणा, मनमिळाऊपणा आणि सर्वांशी सहज मिसळून घेणारी वृत्ती. त्या कोणत्याही समाजघटकात, कोणत्याही वयोगटात गेल्या की, लोक त्यांना आपल्याच घरातील मानतात.
त्यांची भेट घेताना मतदारांना “नेतृत्व नव्हे… आपली व्यक्ती भेटली” असा भाव निर्माण होतो.
शिर्डीतील कानाकोपऱ्यातून आज त्यांनी काढलेल्या प्रचारफेरीत ज्याप्रमाणे महिलांनी, युवकांनी आणि ज्येष्ठांनी त्यांना स्वतःहून हातात झेंडे घेऊन पाठिंबा दिला… तो पूर्णपणे त्यांच्या व्यक्तिमत्त्वावरच्या विश्वासाचा प्रत्यय होता.
दांडगा अनुभव — कामगिरीची भक्कम छाप
मागील नगराध्यक्षपदाचा कार्यकाळ जयश्रीताईंनी अत्यंत प्रामाणिकपणे, पारदर्शकपणे आणि विकासमुखी दृष्टीकोनातून पार पाडला.
शिर्डीच्या पायाभूत सुविधांपासून पिण्याच्या पाण्यापर्यंत, महिलांच्या प्रश्नांपासून आरोग्य सेवांपर्यंत — अनेक कामे आजही लोक आठवतात.
त्या कामाचा ठोस अनुभव समोर ठेवून नामदार राधाकृष्ण विखे पाटील आणि युवा नेतृत्व डॉ. सुजय विखे यांनी जयश्रीताईंवर पुन्हा एकदा विश्वासाचा हात ठेवून त्यांना नगराध्यक्षा पदाची उमेदवारी दिली आहे… आणि हा विश्वास शिर्डीकर स्वतःच्या मतांनी पाठीशी घालतील, अशी भावना आजच्या प्रचारात स्पष्ट दिसली.
“दिलेली जबाबदारी विश्वासाने पूर्ण करेन” — जयश्रीताईंची भावनिक ग्वाही
प्रचाराच्या सुरुवातीला बोलताना जयश्रीताईंनी भावूक होत शिर्डीकरांसमोर मनोगत मांडले —
“हे शहर माझं कुटुंब आहे. प्रत्येक घर, प्रत्येक गल्लीत माझी माणसं आहेत. माझ्यावर ठेवलेला विश्वास मी कधीही तडा जाऊ देणार नाही. राधाकृष्ण विखे साहेब आणि सुजय विखे यांच्याकडून मिळालेली जबाबदारी ही फक्त राजकीय नाही… ती शिर्डीच्या विकासाची प्रतिज्ञा आहे. मी या प्रतिज्ञेचं सोने करणार!”
त्यांचे शब्द ऐकून महिलांनी टाळ्यांचा कडकडाट करत पाठिंबा दर्शवला, तर युवकांनी जयघोष करीत वातावरण भारावून टाकले.
शिर्डीत सर्वत्र एकच चर्चा — “जयश्रीताई पुन्हा नगराध्यक्षा!”
आजच्या प्रचारफेरीत शिर्डीतील गल्ली-बोळांतून जे काही चित्र दिसले —
✔ लोकांचा प्रचंड प्रतिसाद
✔ जयश्रीताईंना मिळणारा निस्सीम विश्वास
✔ महिलांच्या उपस्थितीचा मोठा सहभाग
✔ तरुणाईचा उत्साह
✔ घराघरांतून मिळणारे स्वागत
यामुळे शिर्डीत विजयाची हवा जयश्रीताईंच्या बाजूने जोरात वाहतेय हे स्वतःच दिसून येत आहे.
महायुतीच्या सर्व उमेदवारांना प्रचंड बहुमत द्या” — जयश्रीताईंची शिर्डीकरांना मनापासून विनंती
प्रचारफेरीच्या शेवटी दैनिक साई दर्शनशी बोलताना जयश्रीताईंनी शिर्डीकरांसमोर मनापासून विनंती व्यक्त केली. त्यांनी सांगितले —
“माझ्यावर जसा विश्वास ठेवला, तसाच विश्वास आमच्या महायुतीच्या सर्व उमेदवारांवरही ठेवा. शिर्डीच्या विकासासाठी एकसंध नेतृत्वाची गरज आहे. माझ्यासह आमच्या महायुतीच्या सर्व उमेदवारांना प्रचंड मतांनी निवडून द्या… आम्ही तुमच्या विश्वासाला कायम सन्मान देऊ.”
यामुळे संपूर्ण प्रभागात जयश्रीताईंच्या या भावनिक आवाहनाची जोरदार चर्चा रंगली आहे.
