शिर्डी प्रतिनिधी/
देशाच्या लोकशाहीला बळकट करणारी लोकसभा निवडणूक २०२४ च्या शिर्डी लोकसभा मतदार संघाच्या मतदानाला आज सकाळी 7 वाजता मोठ्या उत्साहात सुरुवात झाली या निवडणुकीत शिर्डी लोकसभा मतदारसंघातील १६ लाख ७२ हजार २५० मतदार आपला भावी खासदार निवडणार आहे.
विद्यमान खासदार सदाशिव लोखंडे व सौ लोखंडे यांनी आपल्या मतदानाचा हक्क बजावला यावेळी त्यांच्या समवेत शिवसेनेचे जिल्हाप्रमुख कमलाकर कोते भाजपचे जिल्हाध्यक्ष राजेंद्र गोदकर राहुल गोदकर उपस्थित होते
देशभरात निवडणुकीचा उत्साह मोठ्या प्रमाणात दिसून येत असून सकाळी सकाळी मतदारांनी मतदानासाठी गर्दी करत आपल्या मतदानाचा हक्क बजावला ही निवडणूक देशाचा पंतप्रधान निवडण्यासाठी होत असल्याने लोकांचा उत्साह मोठ्या प्रमाणात दिसून आला मुस्लिम बांधवांनी सर्वच मतदान केंद्रांवर सकाळीच आपल्या कुटुंबासह येत मतदान करण्यास सुरुवात केली आहे.
शिर्डीतील साईनाथ माध्यमिक विद्यालय,आदर्श माध्यमिक विद्यालय आणि जिल्हापरिषद प्राथमिक शाळेत मतदानाला उत्साहात सुरुवात झाली असून शासनाच्या वतीने ठिकठिकाणी मार्गदर्शक भित्ती पत्रके लावत मतदारांना मतदाना विषयी जागरूकता निर्माण करण्यात आली आहे.
तसेच हा लोकशाहीचा उत्सव असल्याने सुंदर फुग्यांची सजावट करत मतदारांना मतदान करतांना वातावरण सुंदर वाटावे अशी पूर्ण व्यवस्था शासनाच्या वतीने करण्यात आली आहे,
शिर्डी नगरपरिषद चे कर्मचारी सर्वत्र मतदान केंद्रांवर मतदारांच्या अडचणी सोडविण्यासाठी तसेच मार्गदर्शन करण्यासाठी उपस्थित असून पोलिस प्रशासनाच्या वतीने देखील अनुचित प्रकार टाळण्यासाठी मोठा पोलिस बंदोबस्त जिल्हाधिकारी सिध्दाराम सालीमठ यांच्या मार्गदर्शनाखाली उपाययोजना करण्यात आला.
सर्व मतदान केंद्रांवर लोक उन्हाच्या अगोदर मतदानासाठी गर्दी करताना दिसत होते यावेळी मोठ्या प्रमाणावर बंदोबस्त तैनात करण्यात आला होता
