शिर्डी (प्रतिनिधी) भारताचे माजी राष्ट्रपती श्री.रामनाथ कोविंद यांनी आज मंगळवारी शिर्डीला भेट देऊन श्री साईबाबांच्या मंदिरात जाऊन साईबाबांचे समाधीचे मनोभावे दर्शन घेतले. साई दर्शनानंतर त्यांचा श्री साईबाबा संस्थान च्या वतीने संस्थांनच्या तदर्थ समितीचे सदस्य तथा जिल्हाधिकारी सिद्धाराम सालीमठ व संस्थांनचे मुख्य कार्यकारी अधिकारी गोरक्ष गाडीलकर यांनी श्री साई मूर्ती, श्री साई सत चरित्र ग्रंथ, शाल, देऊन त्यांचा सत्कार केला.
यावेळी दादरा व नगर हवेली दमन व दिव व लक्षद्वीप या केंद्रशासित प्रदेशाचे प्रशासक प्रफुल्ल पटेल उपस्थित होते.
रामनाथ कोविंद भारताचे १४वे राष्ट्रपती होते.
रामनाथ कोविंद हे उत्तर प्रदेश या राज्याच्या कानपूर जिल्ह्यातील आहेत.
माजी राष्ट्रपती रामनाथ कोविंद श्री शिर्डीत आल्यानंतर त्यांच्या सुरक्षेसाठी मोठा बंदोबस्त तैनात करण्यात आला होता.माजी राष्ट्रपती रामनाथ कोविंद यांनी आज शिर्डीत येत पत्नी कविता कोविंद यांच्यासह साई मंदिरात जावून साईंच्या समाधीचं मनोभावे दर्शन घेतलं. यावेळी कोविंद यांनी साईबाबांच्या समाधीवर वस्त्रही अर्पण केलं. तसंच याप्रसंगी साईबाबा संस्थानचा वतीनं शाल आणि साईबाबांची मूर्ती देवून कोविंद यांचा सपत्नीक सत्कार करण्यात आला.
दर्शनानंतर माध्यमांशी बोलताना कोविंद यांनी, “मी माझं सौभाग्य मानतो की नववर्षाच्या पूर्वसंध्येला शिर्डीला येवून साईबाबांच दर्शन घेता आलं. संपूर्ण मानवजातीच्या सुख शांतीसाठी साईंच्या चरणी प्रार्थना केली. तसंच देश आणि अखंड जग ज्या आव्हानांना सामोरं जात आहे, त्या आव्हानांना पेलण्यासाठीदेखील साई चरणी प्रार्थना केली असून येणारं नवीन 2025 हे वर्ष संपूर्ण मानव जातीसाठी सुखकारक आणि भरभराटीचं जावो,”
अशी प्रार्थना साई चरणी केल्याचं म्हटलंय.दरम्यान, रामनाथ कोविंद मंदिर परिसरामधून साई मंदिरात जात असताना उपस्थित असलेल्या भाविकांना त्यांनी अभिवादन केलं. तसंच यावेळी मंदिर परिसरात उपस्थित असलेल्या काही लहान मुलांनी कोविंद यांना गुलाबपुष्प देवून शुभेच्छाही दिल्या.
माजी राष्ट्रपती रामनाथ कोविंद साईंच्या दर्शनासाठी येणार असल्यानं भाविकांनी त्यांना पाहण्यासाठी मंदिर परिसरात गर्दी केली होती. यापूर्वी रामनाथ कोविंद राष्ट्रपतीपदी असताना 1 ऑक्टोबर 2017 रोजी साई समाधी शाताब्दी वर्षाचे तसंच शिर्डी आंतरराष्ट्रीय विमानतळाचं उद्घाटन देखील कोविंद यांच्या हस्ते पार पडलं होते
