शिर्डी : राहाता तालुक्यातील सावळीविहीर येथील कार्यकर्ता प्रकाश भागवत पगारे यास मुंबईत (डोंबिवली) येथे साडी नेसून भाजप कार्यकर्त्यांनी त्याचा निषेध केला आहे. स्वतःला काँग्रेसचा कार्यकर्ता म्हणून घेणारा प्रकाश स्वतःला मामा म्हणून घेत होता.
मागील विधानसभेच्या निवडणुकीवेळी तो शिर्डी व संगमनेर मतदारसंघात बाळासाहेब थोरात व प्रभावती घोगरे यांच्या प्रचारात सक्रिय होता. घोगरे व थोरात यांचा पराभव झाल्यानंतर तो पुन्हा इकडे फिरकला नाही. त्याने त्याचे बस्तान डोंबिवली परिसरात हलवले होते.
तो सतत भाजपच्या नेत्यांना टारगेट करण्यासाठी सोशल मीडियावर मेसेज टाकून भाजपविरोधी काम करत होता. यावर डोंबिवली येथील भाजपच्या कार्यकर्त्यांनी त्याला धडा शिकविण्यासाठी त्यास पकडून त्याला साडी नेसून त्याला कायमचा धडा शिकवला आहे. त्यामुळे शिर्डीसह सावळीविहीर परिसरात त्याला साडी नेसवल्याचा विषय चर्चेचा बनला आहे.
