शिर्डी (प्रतिनिधी)
महाराष्ट्रामध्ये गुटखाबंदी असताना सर्रासपणे गुटखा विक्री होत आहे.तशी यासंदर्भात सध्या मोठी चर्चा सुरू असल्यामुळे स्थानिक गुन्हा विभागाकडुन शिर्डीत गुटखा तस्करांवर कारवाई करण्यात येत आहे.शिर्डी मध्ये नुकताच बंदी असणारा गुटखा पकडण्यात आला असून गुन्हा दाखल करण्यात आला आहे.
यासंदर्भात पोलीस सूत्रांकडून मिळालेली अधिक माहिती अशी की, १० मे 2025 रोजी सव्वा पाच वाजेच्या दरम्यान साईप्रसादाल शिर्डी जवळील हॉटेल प्रसाद रेस्टॉरंट समोर तांबोळी पान स्टॉल नावाच्या टपरीमध्ये डायरेक्टर स्पेशल पान मसाला, रजनीगंधा विमल पान मसाला , किर कोकील छाप तंबाखू मिराज, अशा कंपनीचा गुटखा मोठ्या प्रमाणात सापडला आहे.
हजारो रुपयाचा हा गुटखा स्थानिक गुन्हे शाखेकडून धाड टाकून जप्त केला आहे. या याप्रकरणी साजिद बशीर तांबोळी राहणार श्रीराम नगर शिर्डी यास ताब्यात घेण्यात आले असून त्यावर गुन्हा रजिस्ट्रेशन नंबर 526/ 2025 भारतीय न्याय संहिता 2023 कलम 123 /223/ 274 /275 प्रमाणे गुन्हा दाखल करण्यात आला आहे अधिक तपास शिर्डी पोलीस करत आहेत.
यापूर्वीही दैनिक साई दर्शनच्या माहितीमुळे लाखो रुपयाचा गुटखा पोलिसांनी पकडला आहे. गुटखा तस्करांवर कारवाई होत असल्यामुळे नागरिकांमधून समाधान व्यक्त होत आहे.
