शिर्डी नगराध्यक्ष मा. जयश्री ताई थोरात यांच्या मार्गदर्शनाखाली शिर्डी येथील वाघवस्ती परिसरात मकरसंक्रांतीनिमित्त महिलांसाठी हळदीकुंकू समारंभाचे आयोजन करण्यात आले. या कार्यक्रमाला वाघवस्ती तसेच परिसरातील महिला मोठ्या उत्साहाने आणि लक्षणीय संख्येने उपस्थित होत्या.
या प्रसंगी महिलांना हळदीकुंकू तसेच वाण म्हणून विविध उपयुक्त साहित्य व वस्तूंचे वाटप करण्यात आले. उपस्थित महिलांचे ओक्षण करून त्यांना भेटवस्तू देण्यात आल्या. संपूर्ण कार्यक्रम अतिशय सुंदर, शिस्तबद्ध व नियोजनबद्ध पद्धतीने पार पडला.
कार्यक्रमावेळी नगराध्यक्ष मा. जयश्री ताई थोरात यांनी या स्तुत्य उपक्रमाचे कौतुक करत आयोजक महिलांचे मनापासून अभिनंदन केले. तसेच त्यांनी उपस्थित महिलांशी संवाद साधून त्यांच्या अडचणी व समस्या जाणून घेतल्या.
यावेळी विविध शासकीय योजनांची माहिती देत महिलांना त्याचा लाभ घेण्याचे आवाहन केले आणि मकरसंक्रांतीच्या शुभेच्छा दिल्या.
या हळदीकुंकू समारंभाचे आयोजन अभिषेक तुकाराम थोरात, नीलम थोरात, विमल थोरात, पूजा धीवर, रंजना सावंत, चंद्रकला चव्हाण, मुक्ता सिरसागार, विमल चव्हाण, शीला त्रिभुवन, रोहिणी काटेपुरी आदी महिलांनी केले होते. कार्यक्रमाला सर्वाधिक महिलांची उपस्थिती लाभली होती.
कार्यक्रमाच्या यशस्वी आयोजनाबद्दल आयोजकांच्या वतीने उपस्थित सर्व महिलांचे आभार मानण्यात आले.
