दरवर्षीप्रमाणे यावर्षीही दिवाळीला शिर्डीत श्री साईबाबांच्या दर्शनासाठी व दीपोत्सव साजरा करण्यासाठी साई भक्तांची मोठी गर्दी झाली आहे. साई मंदिर व परिसर साईनामाने गजबजुन गेला आहे. साई संस्थांनच्या वतीने श्री साई मंदिर व परिसरात आकर्षक विद्युत रोषणाई व आकर्षक फुलांची सजावट करण्यात आली आहे , आकाश कंदीले लावण्यात आले आहेत.
तसेच श्री साईबाबांचे विविध साक्षात्कार दर्शवणारे आकर्षक असे चित्र ठिकठिकाणी रंगीबेरंगी रंगोळीने रेखाटण्यात आले आहे. श्री साई मंदिर परिसरात रात्री हजारो दिव्यांनी सर्व वातावरण तेजोमय होऊन जात असून शिर्डीत व परिसरातही दीपावली सण उत्सवात साजरा होत आहे. घरांवर इमारतींवर आकाश कंदीले, आकर्षक विद्युत रोषणाई करण्यात आल्यामुळे रात्री सर्व शहर उजाळून जात आहे. मंदिर व परिसरात तसेच शहरात ठिकठिकाणी मोठ्या संख्येने रात्री पण त्या दिवे लावले जात असल्यामुळे रात्री शहरात लखलखाट दिसून येत आहे.
