शिर्डी | प्रतिनिधी
साई समाधी मंदिर परिसरात कायदा-सुव्यवस्थेला थेट आव्हान देणारा धक्कादायक प्रकार समोर आला आहे. रात्रीच्या वेळी मंदिर परिसरात पोलिसी करत असलेल्या एका तरुणावर चाकूने हल्ला केल्याप्रकरणी राहाता तालुक्यातील गोगलगाव येथील विश्वास दादासाहेब माघाडे याच्यावर शिर्डी पोलीस ठाण्यात गंभीर स्वरूपाचा गुन्हा दाखल करण्यात आला आहे.
दि. १६ जानेवारी रोजी दिलीप बोधक (रा. शिंगवे) हे शिर्डीत राहणाऱ्या आपल्या बहिणीकडून घरी जात असताना साई समाधी मंदिर गेट क्रमांक ७ जवळ अचानक आरोपी विश्वास माघाडे याने त्यांना अडवले. कोणतेही कारण नसताना शिवीगाळ करत धमकावून आरोपीने हातातील चाकूने बोधक यांच्या डाव्या हाताच्या दंडावर वार केला.
हल्ल्याची तीव्रता इतकी होती की परिसरात एकच गोंधळ उडाला. आजूबाजूचे नागरिक मदतीसाठी धावून येताच आरोपीने प्रसंगाचा फायदा घेत स्कूटरवरून घटनास्थळावरून पलायन केले.
जखमी अवस्थेतही धैर्य दाखवत दिलीप बोधक यांनी थेट शिर्डी पोलीस ठाणे गाठून तक्रार दाखल केली. त्यानुसार आरोपी विश्वास माघाडे याच्यावर
➡️ तीक्ष्ण हत्याराने हल्ला करून जखमी करणे,
➡️ जीव मारण्याची धमकी देणे,
➡️ धमकावणे,
➡️ सार्वजनिक ठिकाणी जोरजोरात शिवीगाळ करून दहशत निर्माण करणे
या गंभीर कलमान्वये गुन्हा दाखल करण्यात आला आहे.
या प्रकरणाचा पुढील तपास पोलीस कॉन्स्टेबल चव्हाण करत असून, मंदिर परिसरातील सुरक्षेचा प्रश्न पुन्हा एकदा ऐरणीवर आला आहे.
❗ साई मंदिर परिसरात वाढते गुन्हे — पोलिसी बंदोबस्तावर प्रश्नचिन्ह
❗ भाविकांच्या सुरक्षिततेसाठी कठोर कारवाईची मागणी
— साईदर्शन न्यूज
