शिर्डी | प्रतिनिधी
अहिल्यानगर जिल्ह्यातील आश्वी, सोनई पोलीस ठाणे तसेच शिर्डी साई मंदिर सुरक्षा व्यवस्थेसाठी नवीन प्रभारी पोलीस अधिकारी नियुक्त करण्यात आले आहेत. जिल्हा पोलीस अधीक्षक सोमनाथ घार्गे यांनी गुरुवारी एक पोलीस निरीक्षक व तीन सहायक पोलीस निरीक्षकांच्या प्रशासकीय मध्यावधी बदल्यांचे आदेश जारी केले.
🛕 साई मंदिर सुरक्षा निरीक्षक सोनवणे यांच्याकडे
आश्वी पोलीस ठाण्याचे प्रभारी पोलीस निरीक्षक संजय सोनवणे यांची बदली रिक्त असलेल्या साई मंदिर सुरक्षा, शिर्डी या महत्त्वाच्या पदावर करण्यात आली आहे. यासोबतच त्यांच्याकडे बीडीडीएस (BDDS), शिर्डीचा अतिरिक्त कार्यभार सोपवण्यात आला आहे.
शिर्डी येथील साई मंदिर सुरक्षा व बीडीडीएसची पदे काही काळापासून रिक्त होती. या पदांचा तात्पुरता कार्यभार शिर्डी वाहतूक शाखेचे सहायक पोलीस निरीक्षक महेश येसकर यांच्याकडे होता. आता ही जबाबदारी पूर्णवेळ निरीक्षक संजय सोनवणे यांच्याकडे देण्यात आली आहे.
🚓 आश्वी पोलीस ठाण्याला नवे प्रभारी
निरीक्षक सोनवणे यांच्या बदलीनंतर आश्वी पोलीस ठाण्याच्या प्रभारी पदाची जबाबदारी राहुरी पोलीस ठाण्यातील सहायक पोलीस निरीक्षक सुदाम शिरसाठ यांच्याकडे सोपवण्यात आली आहे.
🔄 सोनई–राहुरी पोलीस ठाण्यांत बदल
▪️ सोनई पोलीस ठाण्याचे प्रभारी सहायक पोलीस निरीक्षक विजय माळी यांची बदली राहुरी पोलीस ठाण्यात करण्यात आली आहे.
▪️ संगमनेर शहर पोलीस ठाण्यातील सहायक पोलीस निरीक्षक अनिल मोरे यांची नियुक्ती सोनई पोलीस ठाण्याचे प्रभारी म्हणून करण्यात आली आहे.
⚖️ प्रशासनाकडून सुरक्षेला प्राधान्य
या बदल्यांमुळे शिर्डी साई मंदिराची सुरक्षा अधिक बळकट होणार असून, कायदा-सुव्यवस्था व भाविकांच्या सुरक्षेसाठी प्रशासनाने ठोस पावले उचलल्याचे चित्र आहे.
