शिर्डी शहराचे भूमिपुत्र तसेच शिवसेनेचे निष्ठावंत आणि ज्येष्ठ नेते सुनील परदेशी यांचे दुःखद निधन झाले. त्यांच्या प्रकृतीत बिघाड झाल्याने त्यांच्यावर नाशिक येथे उपचार सुरू होते, मात्र उपचारादरम्यान त्यांनी अखेरचा श्वास घेतला.
सुनील परदेशी हे शिर्डी शहराच्या सामाजिक व राजकीय जीवनातील एक संयमी, अभ्यासू आणि जनतेशी नाळ जोडलेले नेतृत्व होते. शिवसेनेच्या विचारधारेशी अखेरपर्यंत प्रामाणिक राहून त्यांनी पक्षासाठी व शहरासाठी आपले आयुष्य समर्पित केले.
सामान्य माणसाच्या अडचणींना ते नेहमीच धावून जात असत.
त्यांच्या आकस्मिक निधनामुळे शिर्डी शहरासह परिसरात शोककळा पसरली असून सर्वत्र हळहळ व्यक्त केली जात आहे. राजकीय, सामाजिक, धार्मिक क्षेत्रातील मान्यवरांसह असंख्य कार्यकर्ते, मित्रपरिवार व नागरिकांनी त्यांच्या निधनाबद्दल तीव्र दुःख व्यक्त केले आहे.
त्यांचे अंत्यविधी उद्या सकाळी शिर्डी येथील अमरधाम येथे होणार आहेत.
या दुःखद प्रसंगी, साईबाबांच्या चरणी त्यांच्या आत्म्यास चिरशांती लाभो, तसेच त्यांच्या कुटुंबीयांना हे दुःख सहन करण्याची शक्ती मिळो, हीच प्रार्थना.
🕯️ भावपूर्ण श्रद्धांजली…
—
शोकांतिका
दैनिक साई दर्शन परिवार, शिर्डी 🙏
