शिर्डी नगरपरिषद निवडणूक निकालानंतर राजकीय चित्र स्पष्ट झाले असले, तरी उपनगराध्यक्ष पदाबाबतची उत्सुकता दिवसेंदिवस वाढत चालली आहे. नगराध्यक्ष पदाचा निर्णय झाल्यानंतर आता संपूर्ण शहराचे लक्ष उपनगराध्यक्ष पदावर केंद्रित झाले आहे. चहाचे कट्टे, मंदिर परिसर, व्यापारी संघटना, सोसायटी बैठका, सामाजिक कार्यक्रम — सर्वत्र एकच प्रश्न घुमतो आहे, “शिर्डीचा उपनगराध्यक्ष कोण?”
फक्त पद नाही, जबाबदारी आहे उपनगराध्यक्षपद
उपनगराध्यक्ष हे केवळ शोभेचे पद नसून शहराच्या कारभाराचा कणा मानले जाते. नगराध्यक्षांच्या खांद्याला खांदा लावून काम करणारा, प्रशासनाशी थेट संवाद साधणारा आणि गरज पडल्यास कठोर निर्णय घेणारा नेता उपनगराध्यक्षपदी हवा, अशी भावना शिर्डीकरांची आहे. यासाठी अनुभव, निर्भीडपणा आणि जनतेशी थेट नाळ असलेला चेहरा आवश्यक आहे, आणि हाच चेहरा म्हणजे सतीश गोंदकर, असे स्पष्ट मत पुढे येत आहे.
ढाण्या वाघ सतीश गोंदकर – संघर्षातून उभा राहिलेला नेता
“ढाण्या वाघ” म्हणून ओळख असलेले सतीश गोंदकर हे राजकारणात योगायोगाने आलेले नेते नाहीत. रस्त्यावर उतरून संघर्ष करणारा, प्रशासनाला जाब विचारणारा आणि सर्वसामान्यांच्या बाजूने ठाम उभा राहणारा नेता म्हणून त्यांची ओळख आहे.
शहरातील वाहतूक कोंडी, मोकाट जनावरे, पाणीटंचाई, स्वच्छतेचा प्रश्न, अनधिकृत बांधकामे अशा विषयांवर त्यांनी वेळोवेळी आक्रमक भूमिका घेतली आहे.
पक्षापेक्षा शहर महत्त्वाचे – गोंदकरांची वेगळी ओळख
आज राजकारणात पक्षीय राजकारण जास्त दिसते; मात्र सतीश गोंदकर यांनी नेहमीच “शहर प्रथम” ही भूमिका घेतली आहे. मित्र पक्ष, विरोधक किंवा प्रशासन — कुणाशीही काम करताना त्यांनी शहराच्या विकासाला प्राधान्य दिले. त्यामुळेच सर्व पक्षांतील कार्यकर्ते आणि नागरिकांचा त्यांच्यावर विश्वास आहे.
“सबका साथ, सबका विकास” – फक्त घोषणा नको, अंमलबजावणी हवी
शिर्डीकर आता केवळ भाषणं आणि घोषवाक्यांना कंटाळले आहेत. काम करणारा, निर्णय घेणारा आणि जबाबदारी स्वीकारणारा नेता हवा, अशी स्पष्ट अपेक्षा आहे.
गोंदकर हे नाव घेताच नागरिकांच्या तोंडून एकच वाक्य येते —
“हा माणूस कामाचा आहे; बोलतो कमी, करतो जास्त!”
यामुळेच “सबका साथ, सबका विकास” हे तत्त्व शिर्डीत प्रत्यक्षात उतरवू शकणारा चेहरा म्हणून गोंदकरांकडे पाहिले जात आहे.
सरप्राईज चेहरा नको, स्थिर आणि मजबूत नेतृत्व हवे
मित्र पक्षातील शिवसेना, राष्ट्रवादी किंवा एखादा नवखा सरप्राईज चेहरा याबाबत चर्चा सुरू असली, तरी शहरात प्रयोग करण्याची वेळ नाही, अशी भावना वाढीस लागली आहे. वाढती गर्दी, वाहतूक, पायाभूत सुविधा आणि साईनगरीच्या जागतिक प्रतिमेचा विचार करता अनुभवी आणि तडफदार नेतृत्वच उपनगराध्यक्षपदी हवे, असे मत ठामपणे व्यक्त होत आहे.
नागरिक, व्यापारी, सेवाभावी संस्था – सर्वांचा एकच सूर
शिर्डीतील व्यापारी संघटना, ऑटो संघ, हॉटेल व्यावसायिक, सामाजिक कार्यकर्ते आणि सामान्य नागरिक — सर्व स्तरांतून सतीश गोंदकर यांच्याच नावाला पाठिंबा मिळत आहे.
“शिर्डीच्या विकासाचा वेग टिकवायचा असेल, तर गोंदकर यांनाच उपनगराध्यक्ष करा” — हीच मागणी जोर धरत आहे.
साईदर्शन न्यूज एक्स्क्लुझिव्ह
साईबाबांच्या भूमितील एकमेव निर्भीड दैनिक ‘साईदर्शन न्यूज’ जनतेचा आवाज ठामपणे मांडत आहे. उपनगराध्यक्षपदाचा निर्णय लवकरच होणार असून, शिर्डीकरांचा कौल स्पष्ट आहे. आता सत्ताधाऱ्यांकडून जनभावनेचा सन्मान होतो का, हे पाहणे औत्सुक्याचे ठरणार आहे.
