प्रभाग क्रमांक 7 (ब) मध्ये अमित शेळके यांचा विजय; 152 मतांची आघाडी
दरम्यान, प्रभाग क्रमांक 7 (ब) मधून अमित शेळके यांनी 152 मतांच्या आघाडीने विजय मिळवला आहे. चुरशीच्या लढतीत शेळके यांनी प्रतिस्पर्ध्यांवर निर्णायक मात करत आपली पकड मजबूत केली आहे. या निकालानंतर त्यांच्या समर्थकांमध्ये उत्साहाचे वातावरण निर्माण झाले असून, मात्र प्रशासनाने कोणताही जल्लोष न करण्याच्या सूचना दिल्या आहेत.
ब्रेकिंग : प्रभाग क्रमांक 2 मधून सतीश गोंदकर विजयी; सत्ता समीकरणे बदलण्याची चिन्हे
प्रभाग क्रमांक 2 मधून सतीश गोंदकर यांनी विजय संपादन केला असून, या निकालामुळे नगर परिषदेतील सत्तासमीकरणे वेगाने बदलताना दिसत आहेत. सुरुवातीच्या निकालांमधूनच मतदारांचा कल स्पष्ट होत असून, आगामी फेऱ्यांमध्ये आणखी मोठे राजकीय धक्के बसण्याची शक्यता व्यक्त केली जात आहे.
ब्रेकिंग : सुरुवातीच्या निकालांनी राजकीय वातावरण तापले; पुढील फेऱ्यांकडे सर्वांचे लक्ष
शिर्डी नगर परिषदेच्या मतमोजणीतील या सुरुवातीच्या निकालांनी संपूर्ण शहरात राजकीय वातावरण तापवले आहे. उमेदवार, कार्यकर्ते आणि नागरिकांचे लक्ष आता पुढील फेऱ्यांकडे लागले असून, प्रत्येक निकालासोबत सत्ता कोणाच्या हाती जाणार याचे चित्र अधिक स्पष्ट होणार आहे. प्रशासनाने शांतता राखण्याचे आवाहन केले असून, संपूर्ण यंत्रणा अद्याप हाय अलर्ट मोडवर आहेब्रेकिंग : प्रभाग क्रमांक 4 मध्ये नितीन कोते यांचा दणदणीत विजय; भाजपला मोठा झटका
नगर परिषदेच्या मतमोजणीत सुरुवातीलाच मोठे उलटफेर पाहायला मिळाले असून, प्रभाग क्रमांक 4 मधून नितीन कोते यांनी भाजपचे उमेदवार किरण बोऱ्हाडे यांचा तब्बल 350 मतांनी पराभव करत दणदणीत विजय मिळवला आहे. या निकालामुळे निवडणुकीच्या सुरुवातीलाच भारतीय जनता पक्षाला मोठा झटका बसला असून, राजकीय वर्तुळात खळबळ उडाली आहे.
.
