शिर्डी |
साईनगरीत गुन्हेगारांचे साम्राज्य वाढतच चालले आहे. भाविकांची सुरक्षितता रामभरोसे झाल्याचे पुन्हा एकदा सिद्ध झाले. दर्शनासाठी आलेल्या बेंगळुरू येथील पर्यटक महिलेला दोन मोटरसायकलवरील इसमांनी 2 लाखांचा सोन्याचा दागिना हिसकावून फरार होत प्रशासनाला पुन्हा एकदा खुले चॅलेंज दिले आहे.
—
कशी झाली चोरी?
फिर्यादी के. एम. सुमित्रा (वय 59) या आपल्या कुटुंबासह शिर्डीत दर्शनासाठी आल्या होत्या.
रात्री 9.20 वाजता, भक्तनिवासाकडे पायी जात असताना बंधन हॉटेल–श्रवण भवन या दरम्यानच्या रस्त्यावर
काळे मास्क व काळी जॅकेट घातलेल्या दोन हल्लेखोरांनी पल्सरवरून येत
महिलेच्या गळ्यातील 40 ग्रॅम सोन्याची चैन आणि 10 ग्रॅम पेंडंट असलेले मंगळसूत्र क्षणात हिसकावले
आणि कोपरगावच्या दिशेने निसटले.
ही घटना घडली त्यावेळी परिसरात ना गस्त, ना सुरक्षा, ना पोलीसांची कोणतीही उपस्थिती!
—
शिर्डी पुन्हा असुरक्षित – भावना वाढतच!
जगभरातून येणाऱ्या भाविकांचे शहर म्हणून ओळख असणाऱ्या शिर्डीत
साखळी चोरी, स्नॅचिंग, पर्यटनस्थळांवरील छेडछाड आणि गुन्हेगारी वाढत आहे.
—
प्रशासन कधी जागे होणार?
भाविकांना सुरक्षा देणे कोणी पाहणार?
CCTV वॉचिंग कोठे गायब आहे?
गस्त पथक कुठे असते?
रोजच्या वाढत्या चोरींनंतरही उपाययोजना कुठे आहेत?
गुन्हेगार बिनधास्त…
पर्यटक घाबरलेले…
आणि प्रशासन मात्र गाढ झोपेत!
—
पोलीसांची कारवाई
शिर्डी पोलिसांनी FIR क्रमांक 1011/2025 अंतर्गत BNS कलम 309(4) नुसार गुन्हा दाखल करून तपास सुरू केला आहे.
विशेष पथक तयार करण्यात आले असून, CCTV फूटेज तपासले जात आहे.
ह्या प्रकरणी घटनेच्या ठिकाणचे सीसीटीव्ही तपासून आरोपीना लवकरच गजाआड करू पोलीस निरीक्षक रणजित गलांडे
—
साईदर्शन न्यूज कडून प्रश्न –
भाविकांची राजधानी असलेल्या शिर्डीत सुरक्षितता हा लक्झरी का झाला आहे?
अजून अपडेट्ससाठी जोडलेले राहा.
