शिर्डी (प्रतिनिधी) जिल्हाप्रमुख कमलाकर कोते यांचे शिवसेना शिंदे गटात तसेच मुख्यमंत्री देवेंद्र फडणवीस, उपमुख्यमंत्री नामदार एकनाथराव शिंदे व पालकमंत्री नामदार राधाकृष्ण विखे पाटील यांच्याशी अधिक घनिष्ठ संबंध होत असल्याकारणाने व पक्षांमध्ये चांगले प्रभुत्व निर्माण झाल्यामुळे पक्षातीलच काहीजणांना ते आवडत नसावे,
म्हणूनच असे असंतुष्ट काहीजण विनाकारण जिल्हाप्रमुख कमलाकर कोते यांना काहीतरी कारण दाखवून बदनाम करण्याचा प्रयत्न करीत आहेत. असा आरोप शिवसेना शिंदे गटाचे शिर्डी शहरप्रमुख योगेश जगताप यांनी म्हटले आहे. शिवसेना शिंदे गटाची शिर्डी शासकीय विश्रामगृहात मीटिंगमध्ये किरकोळ वाद झाले.
त्यानंतर शिवसेना शिंदे गटाच्या एका पदाधिकाऱ्याने कमलाकर कोते यांच्या विरोधात पोलीस स्टेशनला तक्रार दिली. या संदर्भात शहरप्रमुख योगेश जगताप यांनी सांगितले की, पक्षातीलच काही जणांना जिल्हाप्रमुख कमलाकर कोते यांचे राज्याचे मान. मुख्यमंत्री देवेंद्र फडणवीस ,उपमुख्यमंत्री ना. एकनाथराव शिंदे ,
पालकमंत्री नामदार राधाकृष्ण विखे पाटील यांच्यासह शिवसेना पक्षांमध्ये वाढत चाललेले प्रभुत्व हे त्यांच्या मनात खटकत आहे. पक्ष वाढीसाठी जिल्हाप्रमुख कमलाकर कोते यांचे प्रयत्न सातत्याने सुरू आहे. मात्र पक्षातीलच काही या पक्ष संघटनेमध्ये व्यत्यय आणण्याचा प्रयत्न करत आहेत. याला शिर्डीसह काही पक्षाचे पदाधिकारीच पाठीमागून हातभार लावण्याचे काम करत आहेत.
त्यामुळेच जिल्हाप्रमुख कमलाकर कोते यांना विनाकारण यातून बदनाम करण्याचा प्रयत्न होत आहे. मात्र आपण अशा खोट्या आरोपांना भिक घालत नाही. असे शहरप्रमुख योगेश जगताप यांनी म्हटले आहे.
