🏅 शिर्डीचे तत्कालीन पोलीस निरीक्षक गुलाबराव पाटील यांचा राज्यस्तरीय सन्मान 🚨

हाराष्ट्रात अंमली पदार्थांच्या विरोधात सुरू असलेल्या कठोर मोहिमेत उल्लेखनीय यश मिळवत अंमली पदार्थ विरोधी टास्क फोर्सने मोठी कामगिरी बजावली आहे. या उल्लेखनीय कार्याबद्दल उत्कृष्ट कामगिरी करणाऱ्या पोलीस अधिकारी व अंमलदारांचा मा. अपर पोलीस महासंचालक, गुन्हे अन्वेषण विभाग, महाराष्ट्र राज्य यांच्या हस्ते सन्मान करण्यात आला.
📌 टास्क फोर्सची स्थापना आणि उद्देश
महाराष्ट्र शासनाच्या गृह विभागाच्या 31 ऑगस्ट 2023 च्या निर्णयानुसार अंमली पदार्थांची विक्री, पुरवठा आणि वितरण रोखणे, तसेच व्यसनाधीन व्यक्तींचे पुनर्वसन आणि जनजागृती करणे या उद्देशाने अंमली पदार्थ विरोधी टास्क फोर्सची स्थापना करण्यात आली. 2025 पासून ही टास्क फोर्स विशेष पोलीस महानिरीक्षक यांच्या अधिपत्याखाली कार्यरत असून राज्य गुन्हे अन्वेषण विभाग, पुणे यांच्या नियंत्रणाखाली काम करत आहे.
📊 आकडे बोलतात… मोठे यश!
42 गुन्हे नोंद
64 आरोपींना अटक
तब्बल ₹67.69 कोटींचे अंमली पदार्थ जप्त
2025 मध्ये ₹523.17 कोटींचे अंमली पदार्थ नष्ट
2522 जनजागृती कार्यक्रम
737 अधिकारी-कर्मचाऱ्यांना प्रशिक्षण
👉 या कारवाईमुळे राज्यातील अंमली पदार्थांविरोधातील लढा अधिक मजबूत झाला असून नागरिकांचा पोलिसांवरील विश्वास वाढला आहे.
🔥 कोकण व कोल्हापूर विभागाची धडाकेबाज कारवाई
नवी मुंबईतील वाशी येथे मोठी कारवाई करत 1.48 कोटींचे एमडी (मेफेड्रोन) जप्त करण्यात आले. पुढील तपासात बेंगळुरूहून तब्बल ₹57.46 कोटींचा मुद्देमाल उघडकीस आणण्यात आला. या प्रकरणात अनेक आरोपींना अटक करण्यात आली आहे.
🌿 धुळे जिल्ह्यात 7 एकर गांजा शेती उद्ध्वस्त
शिरपूर तालुक्यात दुर्गम भागात 2050 किलो गांजा जप्त करून सुमारे ₹1.02 कोटींचा मुद्देमाल जप्त करण्यात आला. या कारवाईत 7 आरोपींना अटक करण्यात आली.
🚛 नागपूरमध्ये 507 किलो गांजा जप्त
नागपूर ग्रामीण भागात मोठी कारवाई करत ₹2.53 कोटी किंमतीचा 507 किलो गांजा जप्त करण्यात आला असून आरोपीला अटक करण्यात आली आहे.
🏅 उत्कृष्ट अधिकाऱ्यांचा सन्मान
या सर्व कारवायांमध्ये उल्लेखनीय कामगिरी करणाऱ्या अधिकारी व कर्मचाऱ्यांना मा. सुनिल रामानंद, शारदा राऊत, प्रविण पाटील आणि कृष्णात पिंगळे यांच्या हस्ते प्रमाणपत्र देऊन गौरविण्यात आले.
🗣️ अधिकाऱ्यांचे मार्गदर्शन
या वेळी वरिष्ठ अधिकाऱ्यांनी टास्क फोर्सने भविष्यातही अधिक गुणवत्तापूर्ण आणि प्रभावी कामगिरी करून अंमली पदार्थांविरोधातील लढा अधिक तीव्र करण्याचे आवाहन केले.
📢 नागरिकांना आवाहन
अंमली पदार्थांबाबत कोणतीही माहिती असल्यास 7218000073 या क्रमांकावर किंवा अधिकृत ई-मेलवर संपर्क साधावा. माहिती देणाऱ्याचे नाव पूर्णतः गोपनीय ठेवले जाणार आहे.सन्मानित झालेले प्रमुख अधिकारी
या कारवायांमध्ये उल्लेखनीय कामगिरी करणाऱ्या खालील अधिकाऱ्यांचा गौरव करण्यात आला —
पोलीस उपअधीक्षक रामचंद्र मोहिते
पोलीस निरीक्षक नितीन बोधे
पोलीस निरीक्षक संतोष गावशेते
सहाय्यक पोलीस निरीक्षक उदय काळे
सहाय्यक पोलीस निरीक्षक माधवानंद धोत्रे
सहाय्यक पोलीस निरीक्षक उमेश भोसले
पोलीस उपनिरीक्षक सुहास भोसले
पोलीस उपनिरीक्षक संजय अदलिंग
👉 तसेच इतर 12 पोलीस अंमलदारांचाही सन्मान करण्यात आला.
🌿 नाशिक-धुळे कारवाईतील अधिकारी
पोलीस उपअधीक्षक गुलाबराव पाटील
पोलीस निरीक्षक प्रकाश अर्जुन पवार
सहाय्यक पोलीस निरीक्षक भागवत व्यवहारे
सहाय्यक पोलीस निरीक्षक माधवानंद धोत्रे
पोलीस उपनिरीक्षक संजय अदलिंग
👉 तसेच 14 पोलीस अंमलदारांचा सहभाग
🚛 नागपूर कारवाईतील अधिकारी
सहाय्यक पोलीस निरीक्षक अमोल कोळेकर
पोलीस उपनिरीक्षक शिवाजी टिपूर्णे
👉 तसेच 8 पोलीस अंमलदारांचा सहभाग
👉 “अंमली पदार्थांविरोधातील लढा आता निर्णायक टप्प्यात; महाराष्ट्र पोलिसांचा कडक इशारा!”

sai nirman

जाहिरात

जाहिरात