श्रीरामपूर (प्रतिनिधी)-
जिममधील मुलांना देण्यात येणारे नशीचे इंजेक्शन विक्रीसाठी आलेल्या आरोपीला खंडाळ्याजवळ इंजेक्शनसह पकडण्यात आले आहे. मात्र, श्रीरामपूर शहर पोलीस हे त्याची पोलीस चौकशी करत असताना हा आरोपी मध्यरात्री पोलिसांच्या हाताला झटका देवून पसार झाला आहे. पोलीस त्याचा शोध घेत आहे.
याबाबातची अधिक माहिती अशी की, श्रीरामपूर पोलिसांना गुप्त माहिती मिळाली होती की, खंडाळा येथे जावेद सिराज शेख, रा.लोणी, ता. राहाता हा खंडाळा येथील श्रीरामपूर-बाभळेश्वर रोडवरील बाबासाहेब काळे यांच्या इंडियन ऑईल पेट्रोल पंपासमोरील रोडवर नशेचे इंजेक्शन विक्री करताना आढळला होता.परवाना नसताना सदर औषधांची खरेदी तसेच बिलाशिवाय त्याची विक्री ही जिममधील तरूणांना तसेच इतर ग्राहकांना करण्यासाठी आणले आहेत.
तेव्हा पोलिसांनी काल दि.२४ फेब्रुवारी रोजी २ च्या सुमारास सदर ठिकाणी जाऊन
सापळा लावून आरोपी जावेद शेख याला ताव्यात घेतले. तेव्हा त्याच्याकडे परवाना नसलेल्या आणि शरीराला अपाय होऊ शकतो असे अपायकारक, गुगीकांरक औषधांचे इंजेक्शान आढळून आले. पोलिसांनी सुरुवातीला या ठिकाणी डमी ग्राहक पाठवून शेख याच्याकडून सेवन करण्याकरीता इंजेक्शनची मागणी केल्यानंतर पोलिसांनी सदर आरोपीला रंगेहाथ पकडले. सदर आरोपीला पकडून श्रीरामपूर पोलिसांनी शहर पोलीस स्टेशनला आणले.
त्याच्याकडून पोलिसांनी ८३,२३० रूपयांचा मुद्देमाल जप्त केला. त्यात २,०३२ रूपयांचे टरमीन इंजेक्शन , २ बाटल्या आणि ८०,७०० रूपयांची सुझुकी मोटारसायकला ताब्यात घोतली. सदर आरोपीला पोलीस स्टेशनला आल्यानंतर तो सदर इंजेक्शन कोठून आणले? कोणाला विकतो? असे तपास करत असताना तो पोलिसांच्या हाताला झटका देवून हा आरोपी जावेद शेखा पोलीस स्टेशनामाधून पळाला. श्रीरामपूर शहर पोलीस त्याचा शोध घेत आहेत.
