भोजापुर धरण प्रकल्पाचे प्रश्न व कालव्यासाठी सरकारकडे पाठपुरावा करू— खासदार सदाशिव लोखंडे
संगमनेर (प्रतिनिधी)संगमनेर तालुक्यातील सोनोशी येथे भोजपुर धरण प्रकल्पासंदर्भात नुकतीच शिर्डी लोकसभा मतदारसंघाचे खासदार सदाशिव लोखंडे यांच्या प्रमुख उपस्थितीत बैठक संपन्न झाली.
भोजपुर धरण व कालव्या संदर्भात विविध रखडलेले प्रश्नां बाबत या बैठकीत चर्चा करण्यात आली.
गेल्या 45 वर्षापासून भोजापुर प्रकल्पाचे प्रश्न रेंगाळलेले असून ते सोडवण्यासाठी खासदार सदाशिव लोखंडे यांनी पुढाकार घ्यावा. असे लाभधारक शेतकऱ्यांनी यावेळी मागणी केली. अनेक प्रश्न खासदार सदाशिव लोखंडे यांच्या पुढे मांडले. त्यानंतर भोजापुर प्रकल्पाच्या सोळा किलोमीटर करण्यासाठी तब्बल 51.63 कोटी रुपयांचा प्रस्ताव संबंधित अधिकाऱ्यांनी लवकरात लवकर मंत्रालयात पाठवावा अशी सूचना खासदार सदाशिव लोखंडे यांनी यावेळी उपस्थित अधिकाऱ्यांना दिल्या .आपण त्यासाठी सरकारकडे पाठपुरावा करू असे आश्वासनही खासदार सदाशिव लोखंडे यांनी यावेळी दिले.
निळवंडे चा कालवा झाला ,पाणी आले, तसेच भोजापुर धरणाचा 16 किलोमीटरचा कालवा लवकरात लवकर होऊन या भागात पाणी यावे. हा भाग त्यामुळे सधन होईल .बागायती होईल .अशी शेतकऱ्यांची मागणी असून खासदार सदाशिव लोखंडे यांनी यासाठी आपण आवश्यक तो पाठपुरावा करू असे शेतकऱ्यांना यावेळी सांगितले.
या बैठकीला खासदार सदाशिव लोखंडे यांच्यासह संबंधित विभागाचे अधिकारी, लाभधारक शेतकरी, ग्रामस्थ मोठ्या संख्येने उपस्थित होते.
