शिर्डी (प्रतिनिधी)
शिर्डी मध्ये प्रामाणिक पणाची ” मिसाल “सध्या संस्थान कर्मचाऱ्यांमधून पाहायला मिळत आहे. अशी एक घटना शिर्डीत घडली आहे.
शिर्डी नगरपालिकेच्या बीव्हीजी कर्मचारी श्रीमती राधाबाई सिताराम भालके यांना साईबाबा मंदिराच्या गेट क्रमांक चार समोर पर्स सापडली. पर्स मध्ये 12480/- रु रोख रक्कम होती.
हि रक्कम त्यांच्या महिन्याच्या पगाराइतपत होती. परंतु साईबाबांच्या भूमीत प्रामाणिक पणा आजही जिवंत असल्याची साक्ष देत त्यांनी ती रक्कम साईबाबा संस्थान च्या संरक्षण कार्यालयात जमा केली. ते पैसे गुजरातचे साईभक्त जगदीशभाई गोपालभाई पटेल यांची असल्याची ओळख पटवून त्यांच्या ताब्यात दिली.
सदर शिर्डी मधील आलेल्या या अनुभवाला साईभक्तांनी बाबांची लीला असल्याचे सांगितले. नमूद प्रामाणिक महिला कर्मचारी श्रीमती सीताबाई भालके यांचे श्री साईबाबा संस्थान चे मुख्य कार्यकारी अधिकारी श्री. गोरक्ष गाडीलकर, उपमुख्य कार्यकारी अधिकारी श्री.भीमराज दराडे व शिर्डी नागरपालिकेचे मुख्यधिकारी श्री. सतीश दिघे यांनी अभिनंदन केले.
