संपुर्ण जगभरात १० जुन जागतीक नेत्रदान दिन म्‍हणुन साजरा केला जातो जागतिक नेत्रदान दिवसाचे औचित्‍य साधुन श्री साईबाबा संस्‍थानचे श्री साईनाथ रुग्‍णालयात दि.१० जुन २०२५ रोजी सकाळी ११ वा. विविध उपक्रम व कार्यक्रमाचे आयोजन करणेत येवुन जागतीक नेत्रदान दिन साजरा करणेत आला. कार्यक्रमाच्‍या अध्‍यक्षस्‍थानी श्री साईबाबा संस्‍थानचे मुख्‍य कार्यकारी अधिकारी,गोरक्ष गाडीलकर ,भा.प्र.से हे होते.
यावेळी श्री साईबाबा संस्‍थानचे वतीने श्री साईनाथ नेत्रपेढीमध्‍ये नेत्रदान केलेल्‍या आठ नेत्रदात्‍यांच्‍या परिवारांचा सन्‍मान सोहळा तसेच याचबरोबर नेत्ररोपन झालेल्‍या ११ रुग्‍णांचाही यावेळी मुख्‍य कार्यकारी अधिकारी यांच्या हस्‍ते सन्‍मान करण्‍यात आला यावेळी बोलताना गाडीलकर यांनी नेत्रदानाची चळवळ ही आणखी जोमाने पुढे नेवुन ही चळवळ घराघरात पोहचवावी असे आवाहन केले.
नेत्रदात्‍यांच्‍या परिवाराच्‍या सत्‍कारावेळी मल्‍हारवाडी येथील नेत्रदाते कु. साहिल प्रशांत दोशी वय वर्ष-१२व कु दिव्‍या प्रशांत दोशी वय वर्ष-१५ या नेत्रदात्‍याच्‍या परिवारांचा आजी, आजोबा, वडील, बहीण मुख्‍य कार्यकारी अधिकारी यांचे हस्‍ते सत्‍कार होताना परिवारा बरोबरच संपुर्ण सभागृह भावुक झाले.
नेत्रदानासारखे पवित्र कामामध्‍ये दु:खामध्‍ये या परिवाराने दाखविलेल्‍या धाडसाबद्दल श्री गाडीलकर यांनी त्‍यांचे आभार व्‍यवक्‍त करुन त्‍यांच्‍या कार्याबाबत श्री साईबाबा संस्‍थानचे वतीने कृतज्ञता व्‍यक्‍त केली.याचबरोबर नेत्ररोपन झालेल्‍या रुग्‍णांनाही आपल्‍या भावना व्‍यक्‍त करुन श्री साईनाथ नेत्रपेढी सुरु केल्‍याबद्दल श्री साईबाबा संस्‍थानचे आभार व्‍यक्‍त केले .डॉ.अशोक गावित्रे यांनी नेत्रदानाचे महत्‍व, नेत्रदाना विषयीची माहिती यावेळी उपस्‍थीतांना दिली.
यावेळी वैद्यकीय संचालक डॉ.प्रितम वडगावे, डॉ.अजित पाटील, डॉ.सौदामिनी निघुते, डॉ.अनघा विखे, सौ.मंदा थोरात , श्रीमती नजमा सय्यद यांचे सह. हॉस्पिटल व कर्मचारी व अधिकारी नेत्रदात्‍यांचे परिवार व नेत्ररोपन झालेल्‍या रुग्‍ण व रुग्‍णांचा परिवार यांची उपस्‍थीती होती.
कार्यक्रमाचे प्रास्‍तावीक वैद्यकीय अधिक्षीका, डॉ.मैथिली पितांबरे यांनी केले तर कार्यक्रमाचे सुत्रसंचालन रुग्‍णालयाचे जनसंपर्क अधिकारी, श्री. सुरेश टोलमारे यांनी केले.
