शिर्डी | प्रतिनिधी
साईबाबांच्या समकालीन भक्त कै. साईभक्त बायजा माँ आणि तात्या कोते पाटील यांच्या पवित्र परंपरेचा वारसा जपणारे, तसेच श्री साईबाबा संस्थानचे मानकरी आणि सर्वांच्या मनात आदराचे स्थान निर्माण करणारे सुस्वभावी व्यक्तिमत्व श्री. मिलिंद (दादा) कोते पाटील यांचा वाढदिवस आज भक्तिमय वातावरणात साजरा होत आहे.
साईसेवेची परंपरा, नम्र स्वभाव, सर्वांना आपलेसे करणारी वागणूक आणि सामाजिक बांधिलकी यामुळे दादा कोते पाटील हे शिर्डी परिसरात सर्वांचे लाडके व्यक्तिमत्व ठरले आहेत. साईबाबांच्या शिकवणीप्रमाणे “सबका मालिक एक” हा संदेश आचरणातून जपणाऱ्या दादांनी श्रद्धा आणि सेवाभाव यांचा सुंदर संगम घडवून आणला आहे.
कोते पाटील कुटुंबाने साईबाबांच्या काळापासून जपलेली भक्तीची परंपरा आजही तितक्याच निष्ठेने पुढे नेण्याचे कार्य दादा करत आहेत. समाजकार्य, धार्मिक उपक्रम आणि सर्वसामान्यांशी जुळलेली आपुलकी ही त्यांची खरी ओळख आहे.
त्यांच्या वाढदिवसानिमित्त साईभक्त, मित्रपरिवार आणि शुभेच्छुकांकडून त्यांच्यावर शुभेच्छांचा वर्षाव होत असून,
त्यांना उत्तम आरोग्य, दीर्घायुष्य आणि अखंड साईकृपा लाभो, हीच साईचरणी प्रार्थना.
🕉 साई राम 🙏🎂💐❤️
