धार्मिक स्थळं अशी असतात की, तिथं गेल्यावर आपोआपच नतमस्तक व्हावंसं वाटतं. साईबाबा हे असंच एक स्थान आहे ना. भुजबळ

(शिर्डी) : मंत्री पदाची शपथ घेतल्यानंतर छगन भुजबळ यांनी पहिल्यांदाच शुक्रवारी शिर्डीत साईबाबांच्या सामधीचं दर्शन घेतलं. “नाशिकच्या पालकमंत्री विषयावर वाद-विवाद वाढवण्याचं काही कारण नाही. पालकमंत्री होऊन जनतेची सेवाच करायची असते. पालकमंत्री नसलो तरी,

मी जनतेची सेवा करू शकतो. त्यामुळं मला पालकमंत्री पदाच्या वादात पडायची नाही, असं मंत्री छगन भुजबळ यांनी साईबाबांच्या दर्शनानंतर माध्यमांशी बोलताना स्पष्ट केलं.

नेहमीच साईबाबांच्या दर्शनासाठी येतो : मंत्री पद असो किंवा नसो, लहानपणापासूनच मी साईबाबांच्या दर्शनासाठी शिर्डीत येतो. काही धार्मिक स्थळं अशी असतात की,

तिथं गेल्यावर आपोआपच नतमस्तक व्हावंसं वाटतं. साईबाबा हे असंच एक स्थान आहे. त्यामुळंच आज मी त्यांच्या दर्शनासाठी शिर्डीत आलोय. नवीन जबाबदारी पार पाडताना यश मिळावं आणि जनतेची सेवा अधिक चांगल्या प्रकारे करता यावी यासाठी, साई चरणी प्रार्थना केली, असं मंत्री छगन भुजबळ यांनी सांगितलं.