आज विद्यालयात विद्यालयाचे माजी गुणवंत विद्यार्थी ॲड .अभिषेक प्रमोद नागरे यांची न्यायाधीश कनिष्ठ स्तर व दंडाधिकारी या पदावर शासनाच्या वतीने नियुक्ती झाली.
शिर्डी शहरातील व साईनाथ विद्यालयाचे हे प्रथम व्यक्ती आहेत. त्यांच्या या नियुक्तीबद्दल विद्यालयात त्यांचा सत्कार करण्यात आला. त्यांच्या या नियुक्ती बद्दल सोसायटीच्या प्रमुख कार्यवाह श्रीमती छायाताई फिरोदिया ,शाळा समितीचे कोचेअरमन मनोज भाऊ लोढा व सर्व सदस्य सर्व अध्यापक व शिक्षकेतर कर्मचारी पालक व विद्यार्थ्यांनी त्यांच्यावर अभिनंदनाचा वर्षाव केलेला आहे.
यावेळी मुख्याध्यापक डुबल सर उपमुख्याध्यापिका देशपांडे मॅडम व पर्यवेक्षक बेलदार सर यांनी आपली मनोगते व्यक्त केली व त्यांना पुढील कार्यासाठी शुभेच्छा दिल्या. याप्रसंगी ॲड.नागरे यांचे सहकारी वर्गमित्र व विद्यालयाचे माजी विद्यार्थी मोठ्या प्रमाणात उपस्थित होते.त्यांनी आपल्या मनोगतात शाळेचे व शिक्षकांचे ऋण व्यक्त केले. कार्यक्रमाच्या यशस्वीतेसाठी श्री जाधव सर, ढाकणे सर, कोबरने सर ठाकरे सर व हंगेकर सर यांनी विशेष प्रयत्न केले
