विष्णू थोरात यांची साई मंदिराच्या अतिरिक्त प्रभारी मंदिर अधीक्षक म्हणून नियुक्ती

शिर्डी प्रतिनिधी/
शिर्डी येथील साईबाबा संस्थानच्या प्रसाद भोजनालयातील प्रमुख विष्णू थोरात यांची नुकतीच त्यांच्या उत्कृष्ट कार्याची दखल घेऊन् साई मंदिराचे अतिरिक्त प्रभारी मंदिर अधीक्षक म्हणून नुकतीच नियुक्ती करण्यात आल्याने शिर्डी शहरात समाधान व्यक्त होत आहे

अधिक माहिती अशी की विष्णू थोरात साईबाबा संस्थानच्या प्रसाद भोजनालयात प्रमुख गेल्या अनेक वर्षांपासून काम करत होते वर्षाकाठी काही कोटी साईभक्त या ठिकाणी मोफत प्रसाद भोजन घेत असतात त्यांच्या काळात भारताच्या महा महिम राष्ट्रपती द्रोपदी मुर्म यांनी देखील प्रसादालयात जाऊन साईंच्या प्रसादाचा आस्वाद घेत

संस्थांच्या भोजनालयाच्या दर्जाचा गौरव देखील केलेला होता अतिशय नम्र व कर्मचाऱ्यांकडून काम करून घेण्याची हातोटी साई भक्तांना चांगल्या पद्धतीने सेवा देण्यासाठी त्यांच्याकडे असलेली कला कौशल्य बघता साई मंदिराचे प्रमुख रमेश चौधरी हे नुकतेच सेवानिवृत्त झाले होते साईबाबा संस्थानचे मुख्य कार्यकारी अधिकारी गोरक्ष गाडीलकर

यांनी नुकतेच साई मंदिराच्या अतिरिक्त प्रभारी मंदिर अधीक्षक म्हणून त्यांच्या कामाची दखल घेऊन त्यांची नियुक्ती जाहीर केली आहे त्यांच्या नियुक्ती बद्दल शिर्डीसह परिसरातून समाधान व्यक्त होत आहे