शिर्डी (प्रतिनिधी) :
ऑनलाईन खरेदीच्या वाढत्या ट्रेंडसोबत फसवणुकीचे प्रकारही मोठ्या प्रमाणात समोर येत आहेत. अशाच एका धक्कादायक प्रकरणात शिर्डीतील संपादक जीतेश लोकचंदानी यांना फेसबुकवर कार विक्रीच्या आमिषाने 11 हजार रुपयांना गंडा घालण्यात आला. मात्र, या प्रकरणाचा शेवट शिर्डी पोलिसांच्या धाडसी कारवाईने झाला असून आरोपीला मुंबईतून अटक करण्यात आली आहे.
फिर्यादींने 25 डिसेंबर 2025 रोजी फेसबुकवर डस्टर कंपनीची चारचाकी गाडी विक्रीसाठी असल्याची जाहिरात दिसली.
गाडी चांगली मिळत असल्याचे पाहून त्यांनी दिलेल्या मोबाईल क्रमांकावर संपर्क साधला. संबंधित इसमाने स्वतःचे नाव सरवर हुसेन जाकीरहुसेन सय्यद (रा. पनवेल, जि. रायगड) असे सांगत गाडीची किंमत 2,20,000 रुपये सांगितली. बोलणी करताना व्यवहार 1,80,000 रुपयांवर ठरला.
विश्वास बसावा म्हणून आरोपीने गाडी दाखवण्याचे आश्वासन दिले. फिर्यादींचा मुलगा गौरव मुंबईत जाऊन गाडी पाहूनही आला. त्यानंतर 5 जानेवारी 2026 रोजी आरोपीने ‘विसार’ म्हणून 11,000 रुपये फोनपेवर घेतले.
मात्र, यानंतर सुरू झाला फसवणुकीचा खेळ…
आरोपीने “पुतण्याचा मृत्यू झाला”, “गाडी नाशिकला पाठवतो”, अशा विविध कारणांनी फिर्यादींना वारंवार फिरवले. फिर्यादींचा मुलगा व ड्रायव्हर मुंबई, नाशिक येथे जाऊनही गाडी मिळाली नाही.
शेवटी आरोपीचा मोबाईल बंद लागल्याने फसवणूक झाल्याचे स्पष्ट झाले.
🚨 गुन्हा दाखल
या प्रकरणी शिर्डी पोलीस ठाण्यात गुन्हा क्रमांक 0063/2026, भारतीय न्याय संहिता 2023 च्या कलम 318(4) नुसार गुन्हा दाखल करण्यात आला.
👮♂️ पोलिसांची ‘रिअल हिरो’ कारवाई
पोलीस निरीक्षक रणजित गलांडे यानी तपासाची जबाबदारी पोलीस हवालदार दिनकर चव्हाण यांच्यावर सोपवली आरोपी मुंबईतील वडाळा येथील प्रबुद्ध नगर झोपडपट्टीत लपून बसल्याची माहिती मिळाली.
हा परिसर सुमारे 50 हजार लोकवस्तीचा आणि अतिसंवेदनशील मानला जातो. याच भागात यापूर्वी 2 पोलिसांवर हल्ल्याच्या घटना घडल्या आहेत.
तरीही चव्हाण यांनी भीती न बाळगता आपले जुने खबरे सक्रिय केले. अनेक वेळा मुंबईत जाऊन गुप्त तपास केला. योग्य वेळ साधत अखेर सापळा रचून आरोपीला अटक करण्यात आली.
🎯 वरिष्ठांचे मार्गदर्शन
ही संपूर्ण कारवाई शिर्डी पोलीस ठाण्याचे पोलीस निरीक्षक रणजित गलांडे यांच्या मार्गदर्शनाखाली पार पडली.
⚠️ नागरिकांसाठी इशारा
👉 फेसबुक, OLX, इंस्टाग्रामवर स्वस्तात वस्तू मिळत असल्याच्या जाहिरातींना लगेच बळी पडू नका
👉 व्यवहार करण्यापूर्वी विक्रेत्याची ओळख व कागदपत्रे तपासा
👉 अॅडव्हान्स पैसे देताना विशेष काळजी घ्या
