जुगारी पाटणीसह पाच जुगार्‍यांना पोलिसांची धडक
रांजणगाव देशमुख परिसरातील जंगलात जुगार अड्ड्यावर छापा
रांजणगाव देशमुख : स्थानिक पोलिसांनी गुप्त माहितीच्या आधारे फॉरेस्टच्या मोकळ्या जागेत सुरू असलेल्या जुगार अड्ड्यावर मोठी कारवाई करत महेंद्र पाटणीसह एकूण पाच जुगार्‍यांना ताब्यात घेतले. या कारवाईमुळे परिसरात खळबळ उडाली आहे.
पोहेकॉ बी.व्ही. गोराणे आणि पोकॉ तुषार दळवी यांना मिळालेल्या माहितीच्या आधारे ही कारवाई करण्यात आली. दोन पंचांच्या उपस्थितीत पोलिसांनी शिर्डी पोलीस स्टेशनहून छापा पथक रवाना केले रांजणगाव देशमुख–तळेगाव दिघे रोडवरील पश्चिम बाजूच्या जंगलात छापा टाकला.
🔸 लिंबाच्या झाडाखाली सुरू होता जुगार
छाप्यात पोलिसांनी खालील पाच इसमांना अंक लिहिताना आणि तिरट जुगार खेळताना/खेळवताना रंगेहात पकडले—
- अमोल रामनाथ चव्हाण (31)
- इस्माईल गुलाब सय्यद (28)
- संजय गोपीनाथ दिघे (55)
- महेंद्र सुंदरलाल पाटणी (52)
- बाळासाहेब त्र्यंबक गव्हाणे (54)
🔸 जुगार साहित्य व रोख रक्कम जप्त
पंचासमक्ष पोलिसांनी केलेल्या झडतीत खालील मुद्देमाल मिळाला—
₹500 — 2 नोटा
₹200 — 1 नोट
₹100 — 2 नोटा
₹50 — 1 नोट
₹20 — 2 नोटा
₹10 — 3 नोटा
निळ्या रंगाचा बॉलपेन
जुगाराचे अंक लिहलेली वही
एकूण रोख रक्कम : ₹1520
सदर सर्व साहित्य पंचनामा करून ताब्यात घेण्यात आले.
🔸 जुगार कायद्यानुसार गुन्हा दाखल
जुगार खेळताना पकडण्यात आलेल्या सर्व आरोपींवर महाराष्ट्र जुगार कायदा कलम 12(अ) अन्वये गुन्हा दाखल करण्यात आला आहे. फिर्याद संगणकीकृत करून तपास सुरू करण्यात आला आहे.
