शिर्डी नगरपरिषदच्या नगराध्यक्ष पदासाठी निवडणुकीचा प्रचार जोरात सुरू झाला आहे. शिर्डीच्या राजकीय आणि सामाजिक क्षेत्रातील बऱ्याच जेष्ठ नेत्यांची नावे चर्चेत आहेत. जेष्ठ पत्रकार राजेंद्र भुजबळ यांच्या पत्नी आघाडीवर असल्याचे सांगितले जाते. मात्र, फक्त ह्याच नावावरच लक्ष केंद्रित नाही; नगराध्यक्ष पदासाठी सौं उज्वला देवानंद शेजवळ सौ. सविता नितीन शेजवळ, माजी नगरसेवक सुरेश आरणे, अश्विनी वीर,जयश्री विष्णू थोरात आणि मंगेश त्रिभुवन यांचेही नाव जोरात चर्चेत आहे.
इच्छुक उमेदवारांची लांबगाठ लढत
नगराध्यक्ष पदासाठी सध्या इच्छुक उमेदवारांची संख्या खूपच जास्त आहे. प्रत्येक उमेदवाराने आपल्या मतदारांपर्यंत पोहोचण्यासाठी विविध स्तरांवर सक्रियतेने प्रयत्न सुरु केले आहेत. गावातील प्रत्येक भागातून उमेदवारांना पाठिंबा मिळावा यासाठी त्यांची टीम मेहनत घेत आहे. त्यामुळे या निवडणुकीत कोणाची लॉटरी लागेल, हे सांगणे आतापर्यंत अशक्यच आहे.
मतदारांचे लक्ष नगराध्यक्ष निवडीकडे
शिर्डी गावातील नागरिकांमध्ये नगराध्यक्ष निवडीबाबत प्रचंड उत्सुकता आहे. गावातील प्रत्येक मतदार हे ठरवेल की कोणत्या उमेदवाराला विश्वास ठेवून नगरपरिषदेच्या अध्यक्ष पदाची माळ घालावी. ही निवडणूक केवळ पदासाठी नाही, तर शिर्डीच्या भविष्यासाठी अत्यंत महत्त्वाची मानली जात आहे.
नगराध्यक्ष पदासाठीचा अंतिम निकाल कुणावर?
सध्या चर्चा, गप्पा आणि सोशल मीडिया या सर्व माध्यमातून मतदारांमध्ये उमेदवारांविषयी माहिती पसरत आहे. कोणाची लॉटरी लागेल हे अंतिम निकाल येईपर्यंत ठरवता येणार नाही. मात्र, गावकऱ्यांचे लक्ष पूर्णपणे या निवडणुकीवर केंद्रीत झालेले आहे. नगराध्यक्ष पदावर कोण बसणार, हे ठरवणारी घडी शेवटी सगळ्यांसमोर येणार आहे.
