शिर्डी (प्रतिनिधी)
शिर्डीत शालेय विद्यार्थिनींनी गळफास घेऊन आत्महत्या केल्यामुळे शिर्डीत मोठी हळहळ व्यक्त होत आहे.
शिर्डी शहरात श्रीरामनगर या उपनगरात राहत असलेल्या दहावीच्या परिक्षेचा पेपर देऊन आल्यावर मुस्कान रशिद कुरेशी या मुलीने घराचा दरवाजा बंद करून ओढणीच्या सहाय्याने फॅनला लटकून ५ मार्च रोजी दुपारी २ वाजेच्या सुमारास गळफास घेऊन आत्महत्या केली आहे.
या घटनेची खबर मिळताच शिर्डी पोलीस स्टेशनचे सहाय्यक पोलीस निरीक्षक रामेश्वर कांयदे व पथकाने घटनास्थळी भेट देऊन पहाणी केली.
मयत मुलीचे राहता ग्रामीण रुग्णालय येथे शवविच्छेदन करण्यात आले . या शालेय विद्यार्थीनीने इतका टोकाचा निर्णय का घेतला! हे समजु शकले नाही. या घटनेचा तपास पोलीस निरीक्षक रणजित गंलाडे यांच्या मार्गदर्शनाखाली सहाय्यक पोलीस निरीक्षक रामेश्वर कांयदे हे करीत आहे. दरम्यान या घटनेमुळे सर्वत्र हळहळ व्यक्त होत आहे.
