प्रतिनिधी
🔹 13 ऑक्टोबरला आरक्षण सोडत काढणार
राज्यातील जिल्हा परिषद आणि पंचायत समिती सार्वत्रिक निवडणुकांसाठी आरक्षण सोडतीची तारीख जाहीर झाली आहे. राज्य निवडणूक आयोगाच्या माहितीनुसार, 13 ऑक्टोबर 2025 रोजी आरक्षण सोडत काढली जाणार आहे. या प्रक्रियेत राज्यातील एकूण 32 जिल्हा परिषदा आणि त्यांतर्गत 336 पंचायत समित्यांच्या सदस्यपदासाठी आरक्षण निश्चित केले जाणार आहे.
🔹 प्रारुप मतदार यादी 8 ऑक्टोबरला
जिल्हा परिषद आणि पंचायत समित्यांव्यतिरिक्त नगरपरिषद व नगरपंचायतींसाठीचीही प्रक्रिया सुरू आहे. 8 ऑक्टोबर 2025 रोजी प्रारुप मतदार यादी प्रसिद्ध होणार असून, त्यानंतर मतदारांना आपली नावे, दुरुस्ती किंवा आक्षेप नोंदविण्याची संधी मिळणार आहे.
🔹 जिल्हाधिकारी कडून सूचना 10 ऑक्टोबरला
संबंधित जिल्हाधिकारी 10 ऑक्टोबर 2025 रोजी वृत्तपत्रांत आरक्षण सोडतीसंदर्भातील अधिकृत सूचना जाहीर करतील. त्यानंतर 13 ऑक्टोबरला सोडत काढली जाईल व प्रारूप आरक्षणाची अधिसूचना प्रसिद्ध केली जाईल.
🔹 अंतिम आरक्षण 3 नोव्हेंबरला
सोडतीनंतर 14 ते 17 ऑक्टोबर 2025 या कालावधीत नागरिक व संबंधित पक्षांना हरकती व सूचना नोंदविण्याची संधी असेल. प्राप्त हरकतींचा विचार करून, 3 नोव्हेंबर 2025 रोजी अंतिम आरक्षण शासन राजपत्रात प्रसिद्ध करण्यात येणार आहे. यानंतर निवडणुकांची पुढील प्रक्रिया सुरू होईल.
