शिर्डी पोलीस ठाण्याच्या हद्दीत एअरपोर्ट रोडलगत हॉटेलच्या मागील आडोशाला सुरू असलेल्या रमी जुगार अड्ड्यावर पोलिसांनी धाडसी कारवाई करत पाच जुगाऱ्यांना रंगेहात पकडले. या कारवाईमुळे परिसरातील बेकायदेशीर जुगार व्यवसायावर पोलिसांनी पुन्हा एकदा वचक बसवला आहे.
📞 गोपनीय बातमीवरून छापा
दि. १५/०२/२०२६ रोजी गोपनीय माहितीच्या आधारे नांदुख (ता. राहाता) येथील एअरपोर्ट रोड परिसरात काही इसम ५२ पत्त्यांवर १०० रुपये प्रति डाव या प्रमाणे हारजितीचा रमी जुगार खेळत असल्याची माहिती मिळाली. वरिष्ठांच्या आदेशानुसार पोलिस पथकाने पंचांसह तात्काळ छापा टाकला.
दुपारी सुमारे ३.३० वाजता छापा टाकण्यात आला असता पाच इसम हातात पत्ते घेऊन समोर पैसे टाकून जुगार खेळताना आढळून आले.
👮♂️ पंचासमक्ष कारवाई; मुद्देमाल जप्त
पोलिसांनी स्वतःची ओळख करून देत संबंधितांना ताब्यात घेतले. पंचासमक्ष त्यांच्या झडतीतून रोख रक्कम, ५२ पत्त्यांचा कॅट व जुगार खेळण्यासाठी वापरलेली साहित्य जप्त करण्यात आली. तसेच घटनास्थळी वापरण्यात आलेल्या मोटारसायकलीही जप्त करण्यात आल्या.
चौकशीत संबंधित इसम १०० रुपये प्रति डाव प्रमाणे रमी जुगार खेळत असल्याचे कबूल केले.
⚖️ गुन्हा दाखल; कायदेशीर कारवाई सुरू
सदर प्रकरणी शिर्डी पोलीस ठाण्यात महाराष्ट्र जुगार प्रतिबंधक कायद्यान्वये गुन्हा दाखल करण्यात आला असून सर्व आरोपींवर कायदेशीर कारवाई करण्यात येत आहे. जप्त मुद्देमाल पोलीस ताब्यात घेण्यात आला आहे.
🚨 बेकायदेशीर जुगार खेळणाऱ्यांना इशारा
शिर्डी पोलीसांनी स्पष्ट इशारा दिला आहे की, शहर व पंचक्रोशीत कुठेही बेकायदेशीर जुगार, मटका किंवा इतर अवैध धंदे आढळल्यास कठोर कारवाई करण्यात येईल. नागरिकांनी अशा प्रकारांची माहिती तात्काळ पोलिसांना द्यावी, असे आवाहन करण्यात आले आहे.
