शिर्डी (प्रतिनिधी) : महाराष्ट्र विधानसभेचे विरोधी पक्षनेते तथा शिवसेना (उद्धव बाळासाहेब ठाकरे) पक्षाचे ज्येष्ठ नेते आमदार अंबादास दादा दानवे यांनी श्री साईबाबांच्या समाधीचे मनोभावे दर्शन घेतले. यावेळी त्यांनी साईबाबांच्या चरणी नतमस्तक होत राज्यातील जनतेच्या सुख-समृद्धीसाठी प्रार्थना केली.
श्री साईबाबा संस्थान विश्वस्त व्यवस्थेच्या वतीने आमदार अंबादास दानवे यांचा यावेळी सन्मान करण्यात आला. संस्थानच्या पदाधिकाऱ्यांनी त्यांचे स्वागत करून साईबाबांची प्रतिमा व प्रसाद देऊन सत्कार केला.
यावेळी शिवसेनेची ‘बुलंद तोफ’ आणि निष्ठावंत शिवसैनिक म्हणून ओळख असलेले शिर्डी शहरप्रमुख नानक सावंत्रे, मनोज जाधव यांच्यासह जिल्ह्यातील शिवसेनेचे विविध पदाधिकारी, कार्यकर्ते व शिवसैनिक मोठ्या संख्येने उपस्थित होते.
आमदार अंबादास दानवे यांच्या शिर्डी दौऱ्यामुळे शिवसैनिकांमध्ये उत्साहाचे वातावरण निर्माण झाले. यावेळी उपस्थित पदाधिकारी व कार्यकर्त्यांनी त्यांचे उत्साहात स्वागत केले.
