मुंबई – रिपब्लिकन वार्ता महाराष्ट्र या न्यूज चॅनेलच्या वतीने पत्रकार राजा भाऊ दुनबळे यांना पत्रकारितेत 🌹महाराष्ट्र रत्न🌹 पुरस्काराने सन्मानित करण्यात आले आहे. या गौरवमानामुळे त्यांचे सर्वत्र अभिनंदन होत आहे.
राजा भाऊ दुनबळे गेल्या ३५ वर्षांपासून विविध वृत्तपत्रांमध्ये तसेच माध्यम चॅनल्सद्वारे वंचित घटकांसाठी न्याय देण्याचे काम करत आहेत. अन्यायाला वाचा फोडण्याचे कार्य त्यांनी आपल्या परखड लेखणीच्या माध्यमातून केले आहे, तसेच सर्वसामान्य जनतेचे प्रश्न सोडण्यासाठी सतत प्रयत्नशील राहिले आहेत.
त्यांच्या या सातत्यपूर्ण आणि समाजोपयोगी कार्याची दखल घेऊन रिपब्लिकन वार्ता महाराष्ट्र या वृत्तवाहिनीने त्यांना पत्रकारितेत महाराष्ट्र रत्न म्हणून गौरवले. यासाठी सर्व समूहाचे आणि नागरिकांचे विशेष आभार मानण्यात आले आहेत.दैनिक साईदर्शनकडून पत्रकार राजा भाऊ दुनबळे यांना हार्दिक शुभेच्छा
