राहता : साधूंच्या वेषात येऊन एका महिलेची फसवणूक व लुटमार केल्याच्या घटनेने काल राहता परिसरात मोठी खळबळ उडाली होती. घटनेचा व्हिडिओ सोशल मीडियावर व्हायरल झाल्यानंतर नागरिकांमध्ये भीतीचे वातावरण निर्माण झाले होते. मात्र, घटनेच्या अवघ्या २४ तासांच्या आत राहता पोलिसांनी तत्परतेने कारवाई करत चारही आरोपींना ताब्यात घेतल्याने नागरिकांनी पोलिसांच्या कामगिरीचे कौतुक केले आहे.
घटना घडल्यानंतर राहता पोलिसांनी तपासाची चक्रे वेगाने फिरवत आरोपींचा शोध सुरू केला. अखेर पोलिसांच्या पथकाने चारही संशयित आरोपींना ताब्यात घेण्यात यश मिळवले. या कारवाईमुळे राहता पोलिसांनी गुन्हेगारांना स्पष्ट संदेश दिला आहे की, राहता तालुक्यात गुन्हा करून कोणालाही कायद्याच्या हातातून सुटका मिळणार नाही.
राहता-शिर्डी परिसर हा धार्मिक व अध्यात्मिक पर्यटनाचे महत्त्वाचे केंद्र असल्याने येथे देशभरातून साधू, वारकरी आणि भाविक मोठ्या संख्येने येत असतात. अशा परिस्थितीत साधूंच्या वेषाचा गैरवापर करून नागरिकांची फसवणूक करणाऱ्या भोंदू प्रवृत्तीच्या लोकांवर कठोर कारवाई होणे आवश्यक आहे.
महिलेला लुटल्याच्या गंभीर घटनेनंतर अवघ्या २४ तासांत चार आरोपींना ताब्यात घेऊन राहता पोलिसांनी दाखवलेली तत्परता निश्चितच कौतुकास्पद आहे. पोलिसांच्या या जलद कारवाईमुळे नागरिकांमध्ये सुरक्षिततेची भावना निर्माण झाली असून, आरोपींनी यापूर्वी अशाच प्रकारचे गुन्हे केले आहेत का, याचा सखोल तपास होण्याची अपेक्षा व्यक्त केली जात आहे.
राहाता शहरातील डॉ. मॅड हॉस्पिटलसमोर नगर-मनमाड रोडलगत असलेल्या साईदर्शन कॉम्प्लेक्समधील ईशिका गिफ्ट गॅलरी या दुकानात दोन अज्ञात साधू आले. त्यांनी दुकानातील महिलेला संमोहित करून तिच्याजवळील सोन्याच्या अंगठ्या व रोख रक्कम घेऊन पसार झाल्याची धक्कादायक घटना समोर आली आहे.
या घटनेने व्यापारी वर्गात खळबळ उडाली असून नागरिकांनी अनोळखी साधू अथवा संशयास्पद व्यक्तींपासून सावध राहावे, असे आवाहन स्वाभिमानी व्यापारी संघटना, राहाता यांच्या वतीने करण्यात आले आहे.
🚨 नागरिकांनी सतर्क राहावे; संशयास्पद व्यक्ती दिसल्यास तातडीने पोलिसांना माहिती द्यावी.
🚨 राहता पोलिसांची दमदार कारवाई 🚨
काल महिलेला लुटले, आज चारही आरोपी ताब्यात!
साधूंच्या वेषात येऊन महिलेला फसवून लुटल्याच्या घटनेनंतर राहता पोलिसांनी अवघ्या २४ तासांत चारही संशयित आरोपींना ताब्यात घेतले. पोलिसांनी वेगाने तपासाची चक्रे फिरवत आरोपींचा शोध घेतल्याने नागरिकांमधून राहता पोलिसांचे कौतुक होत आहे.
गुन्हा कितीही शिताफीने केला तरी कायद्याच्या कचाट्यातून सुटका नाही, असा स्पष्ट संदेश या कारवाईतून मिळाला आहे.
राहता पोलिसांच्या तत्परतेला सलाम! 👮♂️👏
