शिर्डी (प्रतिनिधी )
शिर्डी मध्ये मोठ्या प्रमाणात पेढे विक्री होतात .व त्यातून मोठे पैसे कमवले जातात.
देश-विदेशातून येथे आलेले साईभक्त साई दर्शनानंतर प्रसाद म्हणून पेढे घेतात.
मात्र हे पेढे भेसळ असल्याचे अनेक ठिकाणी उघड झाले असून अन्न व औषध भेसळ प्रतिबंधक विभागाने शिर्डीमध्ये पेढे विक्री दुकानांमध्ये छापे टाकून पेढ्याचे सॅम्पल घेऊन तपासणीसाठी पाठवले आहेत. भेसळ पेढे आढळून आल्यास त्यावर कडक कारवाई करण्याचा इशाराही अन्न व औषध भेसळ प्रतिबंधक विभागाने दिला आहे.
शिर्डीला श्री साई दर्शनासाठी मोठ्या संख्येने देश-विदेशातून साईभक्त येत असतात. येथे आल्यानंतर व साई दर्शनानंतर प्रसाद म्हणून पेढे खरेदी केले जातात. मात्र येथे त्यामुळे पेढे विक्री दुकाने,रस्त्यालगत पेढ्याची दुकाने थाटली आहेत. मात्र या सर्व ठिकाणी शुद्ध पेढे मिळतातच असे नाही तर अनेक ठिकाणी भेसळयुक्त असे पेढे विक्री केले जाते.
या संदर्भात नुकतीच अन्न व औषध भेसळ प्रतिबंधक विभागाने शिर्डीमध्ये पेढे विक्री केंद्रांवर धाडी टाकत अनेक ठिकाणचे पेढे चे नमुने तपासणीसाठी घेतले आहे. या पेढ्यांमध्ये भेसळ असल्याचे बोलले जात असून कडक कारवाई करण्यात येणार असल्याचेही समजते. दरम्यान शिर्डी मध्ये अनेक छोटे-मोठे दुकानदार पेढे विक्री करतात.
मात्र पेढे बनवण्याचे काम हे दुसरीकडे होते. होलसेल दराने हे दुकानदार पेढे घेतात व साई भक्तांना विक्री करतात. मात्र पेढे बनवणारे मोकळे राहतात व दुकानदार हे भेसळपेढे विक्री करताना पकडले जातात. त्यामुळे दुकानदारांबरोबरच भेसळ पेढे बनवणाऱ्यांचेही रॅकेट उघडे करणे महत्त्वाचे असून अन्न व औषध प्रशासन विभागाने त्याकडे विशेष लक्ष देणे गरजेचे आहे.
शिर्डीच नव्हे तर अनेक तीर्थक्षेत्राच्या ठिकाणी पेढे विक्री केले जातात. मात्र त्याचा फायदा घेऊन अनेक पेढे बनवणारे ,पेढे विक्री करणारे भेसळ पेढे भक्तांच्या माथी मारतात. त्यामुळे या सर्वांची सखोल चौकशी करून त्यांच्यावरही कडक कारवाई करण्याची मागणी साईभक्त यांनी अन्न व औषध प्रशासन भेसळ प्रतिबंध विभागाकडे केली आहे.
