शिर्डी : सोशल मीडियाच्या माध्यमातून युवकांच्या कलागुणांना आणि सर्जनशीलतेला व्यासपीठ मिळवून देण्यासाठी विकास गोरक्षनाथ गोंदकर पा. मित्र मंडळ व स्वराज्य सेना, शिर्डी शहर यांच्या वतीने शिर्डीत भव्य Reel स्पर्धेचे आयोजन करण्यात आले आहे. रील बनविण्याची आवड असलेल्या युवक-युवतींसह हौशी कलाकारांसाठी ही स्पर्धा आपल्या टॅलेंटला संधी देणारी ठरणार आहे.
शनिवार, दि. ५ सप्टेंबर २०२६ रोजी सायंकाळी ४ वाजता या स्पर्धेला सुरुवात होणार असून, स्पर्धकांच्या रील दि. ६ सप्टेंबर रोजी दुपारी १ वाजेपर्यंत स्वीकारल्या जाणार आहेत. स्पर्धेतील प्रथम क्रमांकाच्या विजेत्यास ५५५५ रुपये, द्वितीय क्रमांकासाठी ३३३३ रुपये, तर तृतीय क्रमांकासाठी २२२२ रुपये असे आकर्षक रोख पारितोषिक देण्यात येणार आहे.
स्पर्धकांनी तयार केलेली रील किमान ४७ सेकंदांची किंवा त्यापेक्षा जास्त कालावधीची तसेच Full HD 1080p गुणवत्तेची असणे आवश्यक आहे. रीलचे परीक्षण करताना Creativity, Concept, Editing, Camera Work, Storytelling आणि Engagement या विविध बाबींचा विचार करण्यात येणार आहे. त्यामुळे केवळ रील तयार करण्यापेक्षा भन्नाट कल्पना, प्रभावी सादरीकरण, उत्तम कॅमेरावर्क आणि आकर्षक एडिटिंगच्या माध्यमातून प्रेक्षकांचे लक्ष वेधणे हे स्पर्धकांसाठी महत्त्वाचे ठरणार आहे.
स्पर्धेत सहभागी होण्यासाठी रील @vikas_gondkar_patil सोबत Collab करून पोस्ट करणे तसेच संबंधित पेज Follow करणे अनिवार्य आहे. स्पर्धेच्या माध्यमातून युवकांमधील सुप्त कलागुणांना प्रोत्साहन देण्यासोबतच सोशल मीडियाचा सकारात्मक आणि सर्जनशील वापर करण्याचा संदेश देण्यात येणार आहे.
स्पर्धेच्या नियमांनुसार रीलमध्ये कोणत्याही प्रकारचा अश्लील, अपमानास्पद अथवा मंडळाची प्रतिमा खराब करणारा मजकूर किंवा इफेक्ट वापरता येणार नाही. स्पर्धेतील परीक्षकांचा निर्णय अंतिम राहणार असून, दि. १२ सप्टेंबर २०२६ रोजी सायंकाळी ७ वाजता स्पर्धेचा निकाल जाहीर करण्यात येणार आहे.
युवकांच्या टॅलेंटला मिळणार नवे व्यासपीठ!
आजच्या सोशल मीडिया युगात रील हे केवळ मनोरंजनाचे माध्यम न राहता अनेकांच्या कलागुणांना व्यासपीठ देणारे प्रभावी माध्यम बनले आहे. याच पार्श्वभूमीवर विकास गोरक्षनाथ गोंदकर पा. मित्र मंडळाने पुढाकार घेत स्वराज्य सेना, शिर्डी शहराच्या सहकार्याने ही आगळीवेगळी Reel स्पर्धा आयोजित केली आहे. त्यामुळे शिर्डी परिसरातील रील क्रिएटर्स, कलाकार आणि युवकांनी मोठ्या संख्येने सहभागी होऊन आपल्या कल्पकतेचा ठसा उमटवावा, असे आवाहन आयोजक विकास गोरक्षनाथ गोंदकर यांच्या वतीने करण्यात आले आहे.
