शिर्डी (प्रतिनिधी) शिर्डी हे आंतरराष्ट्रीय तीर्थक्षेत्र असून शिर्डी येथील आंतरराष्ट्रीय विमानतळाच्या विकास कामांसाठी 1367 कोटी रुपयांची मान्यता देण्यात आली आहे. अशी माहिती राज्याचे उपमुख्यमंत्री तथा वित्त व नियोजन मंत्री नामदार अजित दादा पवार यांनी विधानसभेत अर्थसंकल्प 2025 सादर करताना दिली.
महाराष्ट्राचा अर्थसंकल्प नामदार अजित पवार यांनी आज सोमवारी विधानसभेत सादर केला. यावेळी त्यांनी शिर्डी विमानतळा संदर्भातही काही घोषणा केली.
नामदार अजित दादा पवार यावेळी म्हणाले की,शिर्डी विमानतळांच्या १ हजार ३६७ कोटी रूपये किंमतीच्या विकासकामांना मान्यता देण्यात आली आहे. ती कामे सुरू आहेत. सन २०२१ मध्ये शिर्डी विमानतळाला प्रमुख विमानतळाचा दर्जा देखील प्राप्त झाला आहे. शिर्डी विमानतळावर नाईट लँडिंगचु सुविधाही लवकरच सुरू करण्यात येणार आहे “,
असे उपमुख्यमंत्री तथा वित्त व नियोजन मंत्री अजित पवार यांनी आज सोमवारी विधानसभेत अर्थसंकल्प २०२५ सादर करतांना सांगितले.
यामुळे राज्यातीलच नव्हे तर देशातील साई भक्तांमधून, ग्रामस्थांमधून समाधान व्यक्त होत आहे.
