शिर्डी | क्राईम रिपोर्ट –
साईनगरी शिर्डीत चोरट्यांना कोणाचाही धाक उरलेला नाही, हेच पुन्हा एकदा स्पष्ट झाले आहे. साईबाबा संस्थानच्या गेट नं. 01 जवळील अतिसंवेदनशील मोबाईल काउंटर परिसरात दिवसाढवळ्या पाकीटमारीचा धक्कादायक प्रकार घडला असून, यामुळे भाविकांच्या सुरक्षिततेवर मोठे प्रश्नचिन्ह निर्माण झाले आहे.
😡 गर्दीचा फायदा, खिशातून पाकीट गायब!
दिनांक 03 जानेवारी 2026 रोजी सकाळी 10.30 वाजता, संतोष वसंत इंगळे (वय 53, व्यवसाय – रिक्षा चालक, रा. विठ्ठलवाडी, शिर्डी) हे साईबाबा संस्थान परिसरात असताना अज्ञात चोरट्याने त्यांच्या पॅन्टच्या मागील खिशातून पाकीट अलगद लंपास केले. गर्दीचा गैरफायदा घेत चोरट्याने काही सेकंदांत हात साफ करून पोबारा केला.
💰 ₹5,400 रोख आणि महत्त्वाचे कागदपत्र चोरीस
चोरीस गेलेल्या पाकिटात
₹5,400/- रोख रक्कम (₹500 व ₹100 च्या नोटा)
ड्रायव्हिंग लायसन्स क्रमांक MH-17 20100002464
असा महत्त्वाचा व मौल्यवान माल होता.
या घटनेमुळे फिर्यादी आर्थिक अडचणीत सापडला असून, सामान्य नागरिकांची चिंता वाढली आहे.
🚔 गुन्हा दाखल; पण चोरटा मोकाटच!
या प्रकरणी शिर्डी पोलीस ठाण्यात BNS 2023 कलम 303(2) अंतर्गत अज्ञात चोरट्याविरुद्ध गुन्हा दाखल करण्यात आला आहे. गुन्ह्याची नोंद दुपारी 1.37 वाजता झाली असली तरी चोरटा अद्याप पोलिसांच्या हाती लागलेला नाही.
🎥 सीसीटीव्ही असूनही प्रश्न कायम
संस्थान परिसरात सीसीटीव्ही कॅमेरे असतानाही अशा घटना घडत असल्याने सुरक्षा यंत्रणेच्या कार्यक्षमतेवर प्रश्नचिन्ह उपस्थित होत आहे. तपास अधिकारी पोहेका उदावंत तपास करीत असून, प्रभारी अधिकारी पोलीस निरीक्षक रणजित गलांडे यांच्या मार्गदर्शनाखाली चोरट्याचा शोध सुरू आहे.
⚠️ भाविक व नागरिक संतप्त
“गेटसमोरच चोरी होत असेल तर आत काय?” – नागरिकांचा सवाल
साईबाबा संस्थान परिसरात वारंवार घडणाऱ्या चोरी व पाकीटमारीच्या घटनांमुळे भाविक व स्थानिक नागरिकांमध्ये संताप व्यक्त केला जात आहे. “गेटसमोरच सुरक्षितता नसेल, तर भाविकांनी विश्वास कुणावर ठेवायचा?” असा थेट सवाल उपस्थित होत आहे.
