शिर्डी | प्रतिनिधी :
शिवसेना मुख्य नेते तथा महाराष्ट्र राज्याचे उपमुख्यमंत्री मा. ना. एकनाथ शिंदे साहेब यांनी आज श्री साईबाबा समाधी मंदिरात दर्शन घेतले. पहाटेच्या सुमारास त्यांनी साईचरणी नतमस्तक होत राज्याच्या सुख-समृद्धीसाठी प्रार्थना केली. दर्शनावेळी मंदिर परिसरात कडेकोट बंदोबस्त ठेवण्यात आला होता.
दर्शनावेळी शिवसेनेच्या प्रमुख नेत्यांची उपस्थिती
या वेळी मा. आमदार आमोल खताळ साहेब, मा. खासदार सदाशिव लोखंडे साहेब, शिवसेना जिल्हा प्रमुख कमलाकर कोते यांच्यासह शिवसेनेचे अनेक पदाधिकारी व कार्यकर्ते उपस्थित होते. साईबाबा समाधी दर्शनानंतर मंदिर प्रशासनाकडून उपमुख्यमंत्री एकनाथ शिंदे यांचा सत्कार करण्यात आला.
साईचरणी राज्यहितासाठी प्रार्थना, भक्तांमध्ये उत्साह
उपमुख्यमंत्री एकनाथ शिंदे यांच्या दर्शनामुळे साईभक्तांमध्ये विशेष उत्साहाचे वातावरण पाहायला मिळाले. दर्शनासाठी आलेल्या भाविकांनी “शिंदे साहेब” यांच्या नावाचा जयघोष केला. राज्यातील जनतेसाठी, शेतकरी, कामगार व युवकांच्या कल्याणासाठी साईबाबांनी कृपा करावी, अशी प्रार्थना त्यांनी केल्याचे सूत्रांकडून समजते.
राजकीय व सामाजिक पातळीवर भेटीगाठी, चर्चांना उधाण
साईदर्शनानंतर उपमुख्यमंत्र्यांनी उपस्थित शिवसेना पदाधिकाऱ्यांशी संवाद साधला. आगामी राजकीय घडामोडी, संघटन बांधणी व स्थानिक प्रश्नांवर चर्चा झाल्याची माहिती आहे. एकनाथ शिंदे यांच्या या शिर्डी दौऱ्याला राजकीय व सामाजिक दृष्टिकोनातून विशेष महत्त्व दिले जात आहे.
